మరో రెండు రోజుల్లో 2022 ముగియనుంది. ఈ క్రమంలో ప్రముఖ ఓటీటీ వేదిక నెట్ఫ్లిక్స్ 2022 సంవత్సరానికి గానూ అత్యధిక మంది వీక్షించిన ఇంగ్లీష్‌ సినిమాలు, వెబ్‌సిరీస్‌ల జాబితాను విడుదల చేసింది. ఈ జాబితాలో 'ఆర్ఆర్ఆర్' ఉంటుందని ఆశించిన అభిమానులకు నిరాశ ఎదురైంది. టాప్‌లో ధనుష్ కీలక పాత్రలో నటించిన 'ది గ్రే మ్యాన్' ఉండటం విశేషం.
ప్రపంచవ్యాప్తంగా 'ఆర్ఆర్ఆర్' విడుదలైనప్పటి కంటే నెట్‌ఫ్లిక్స్‌లో స్ట్రీమింగ్‌కు వచ్చిన తర్వాత ఆ సినిమా ఓ రేంజ్‌లో ట్రేండ్‌ అయ్యింది. హాలీవుడ్‌ ప్రేక్షకులు అత్యధికమంది ఓటీటీలో 'ఆర్ఆర్ఆర్' చూసి ఫిదా అయిపోయారు. అయితే, తాజా జాబితాలో ఈ కల్ట్‌ యాక్షన్‌ మూవీకి చోటు దక్కలేదు. రుస్సో బ్రదర్స్‌ దర్శకత్వంలో తెరకెక్కిన యాక్షన్‌ థ్రిల్లర్‌ 'ది గ్రే మ్యాన్'ను అత్యధిక మంది వీక్షించారు. ఈ చిత్రం జులై 17 నుంచి సెప్టెంబరు 24 మధ్య 265,980,000గంటల స్ట్రీమింగ్‌ అయినట్లు నెట్ఫ్లిక్స్ వెల్లడించింది. దాదాపు ఆరు వారాల పాటు 'ది గ్రే మ్యాన్' గ్లోబల్‌ టాప్-10 ట్రెండింగ్‌లో నిలిచింది.
నెట్‌ఫ్లిక్స్‌లో అత్యధిక ప్రజాదరణ పొందిన ఆంగ్ల చిత్రాలు
- ది గ్రే మ్యాన్
- ది ఆడమ్‌ ప్రాజెక్ట్‌
- పర్పుల్‌ హార్ట్స్‌
- హసెల్‌
- ది టిండర్‌ స్విడ్లర్‌
- ది సీ బీస్ట్‌
- అనోలా హోమ్స్‌2
- సీనియర్‌ ఇయర్‌
- ది మ్యాన్ ఫ్రమ్‌ టొరంటో
- డే షిఫ్ట్‌