Nithin About Pawan Kalyan :2020లో 'భీష్మ' సినిమాతో హిట్ అందుకున్నారు టాలీవుడ్ హీరో నితిన్. ఆ తర్వాతి ఏడాది చేసిన మూడు సినిమాలు బాక్సాఫీసు మందు హిట్ టాక్ తెచ్చుకోలేక పోయాయి. ఇక 2022లో 'మాచర్ల నియోజక వర్గం' అనే చిత్రం కూడా అభిమానులను మెప్పించలేక పోయింది. ఈ ఏడాది 'ఎక్స్ట్రా ఆర్డినరీ మేన్' సినిమాతో తన అదృష్టాన్ని పరీక్షించుకునేందుకు సిద్ధం అయ్యారు నితిన్. ఈ చిత్రం విడుదలకు రెడీగా ఉన్న నేపథ్యంలో నితిన్ ప్రమోషన్లలో బిజీగా అయిపోయారు. ఈ సందర్భంగా ఓ ఇంటర్వ్యూలో మాట్లాడిన నితిన్.. పవర్ స్టార్ పవన్ కల్యాణ్ గురించి ఆసక్తికర వ్యాఖ్యలు చేశారు.
తన సినిమాల్లో పవన్ కల్యాణ్ మేనరిజాన్ని ఎక్కువగా చూపిస్తున్నానంటూ కొందరు కామెంట్స్‌ చేస్తున్నారని నితిన్ తెలిపారు. కానీ తనకంటే ఎక్కువ మంది హీరోలు వారి చిత్రాల్లో పవన్ కల్యాణ్ ఇమేజ్ను చూపిస్తున్నారని చెప్పారు. ''ఎక్స్ట్రా - ఆర్డినరీ మేన్'లో ఒక సీన్‌లో భాగంగా పవన్ కల్యాన్లా డ్రెస్‌ వేసుకుని రెడీ అయ్యాను. అంతేగానీ ఫొటోషూట్‌ కోసం అలా చేయలేదు. నేను హీరోనైనా వపన్కల్యాణ్కు మాత్రం అభిమానినే. నేను ఎప్పుడూ ఇదే మాట చెబుతాను. నేను ఎలాంటి సినిమా నేపథ్యం లేకుండా ఇండస్ట్రీలోకి వచ్చాను' అని నితిన్ చెప్పారు.