Nikhil Pan india movie: విభిన్న చిత్రాలు చేస్తూ కెరీర్లో ముందుకెళ్తున్న నటుడు నిఖిల్.. తన కొత్త సినిమాను ప్రకటించారు. ప్రముఖ దర్శకుడు గర్రీ బీహెచ్తో తన 19వ సినిమాను పాన్ ఇండియా స్థాయిలో చేయనున్నట్లు తెలిపారు. దీనికి 'స్పై' అనే పేరును టైటిల్గా ఖరారు చేశారు. ఫస్ట్ లుక్ పోస్టర్ను విడుదల చేశారు. ఇందులో నిఖిల్ స్టైలిష్ లుక్లో గన్ పట్టుకుని నడుస్తూ కనిపించారు. ఇది అభిమానులను ఆకట్టుకునేలా ఉంది. ఇక ఈ సినిమాను ఈడీ ఎంటర్టైన్మెంట్స్ బ్యానర్పై కే రాజా శేఖర్ రెడ్డి నిర్మిస్తుండగా.. ఐశ్వర్య మేనన్ హీరోయిన్గా నటిస్తోంది. అభినవ్, సన్య ఠాకూర్, జిస్సు సేన్గుప్తా, నితిన్ మెహ్తా, రవి వర్మ కీలక పాత్రలు పోషిస్తున్నారు. హాలీవుడ్ టెక్నిషియన్ జూలియన్ అమరు ఎస్త్రాదా సినిమాటోగ్రాఫర్. శ్రీచరణ్ పాకాల సంగీతం అందిస్తున్నారు.
Simbu Rampotineni The warrior movie: కోలీవుడ్ హీరో శింబు.. ఓ వైపు హీరోగా నటిస్తూనే.. మరోవైపు అప్పుడప్పుడు సింగర్గా గొంతును సవరించుకోవడం చేస్తుంటారు. ఇప్పటికే మంచు మనోజ్ పోటుగాడు, సాయితేజ్ తిక్క చిత్రంలోనూ పాటలు పాడిన ఆయన.. తాజాగా హీరో రామ్పోతినేని ది వారియర్ కోసం సింగర్ అవతారం ఎత్తనున్నారు. ఈ విషయాన్ని మూవీటీమ్ తెలిపింది. అయితే ఈ గీతం రొమాంటిక్ సాంగ్ అని తెలుస్తోంది. కాగా, ఈ చిత్రానికి లింగుసామి దర్శకత్వం వహిస్తుండగా దేవీశ్రీ ప్రసాద్ సంగీతం అందిస్తున్నారు.