NBK109 Balakrishna Tamannaah : నందమూరి నటసింహం బాలకృష్ణ హ్యాట్రిక్ విజయాలతో ఫుల్ జోష్ మీద ఉన్నారు. ఇదే జోష్తో తన కొత్త సినిమా షూటింగ్ బిజీగా ఉన్నారు బాలయ్య. వాల్తేరు వీరయ్య ఫేమ్ బాబీ దర్శకత్వంలో ఎన్బీకే 109 వర్కింగ్ టైటిల్తో సినిమా రూపొందనుంది. ఈ సినిమా ఫుల్ మాస్ యాక్షన్ ఎలిమెంట్స్తో రూపొందనున్నట్లు తెలుస్తోంది. ఈ చిత్రంలో బాలయ్య మునుపెన్నడూ చేయని శక్తిమంతమైన పాత్రలో సరికొత్త లుక్‌తో కనిపించనున్నారని టాక్ వినిపిస్తోంది. దీంతో బాలయ్య అభిమానులకు పండగే అని చెప్పాలి.
మిల్కీ బ్యూటీతో ఐటమ్ సాంగ్!
అయితే బాబీ తీసే ప్రతి సినిమాలోను మాస్ ప్రేక్షకులకు కోసం ఓ రేంజ్లో మసాలా ట్రీట్ ఇవ్వటం మనం చూస్తూనే ఉంటాం. వాల్తేరు వీరయ్య సినిమాలో బాస్ పార్టీ అంటే ఏ రేంజ్లో సందడి చేశాడో మనకు తెలిసిందే. ఇప్పుడు బాలయ్య సినిమా కోసం కూడా అదే రేంజ్ లో ఓ మసాలా ఐటమ్ సాంగ్ను రెడీ చేస్తున్నారు బాబీ.
గతంలో ఎన్టీఆర్తో బాబీ జై లవకుశ సినిమాను రూపొందించారు. అయితే ఆ సినిమాలో ఎన్టీఆర్, తమన్నా చేసిన స్వింగ్ జర ఐటమ్ సాంగ్ ఏ రేంజ్లో హిట్ అయింది. ఇప్పటికి కూడా ఆ పాట ఎక్కడో ఒక చోట వినిపిస్తూ కనిపిస్తూనే ఉంటుంది. అంతటి సక్సెస్‌ అయిన స్వింగ్ జర పాట బ్యూటీని ఇప్పుడు బాబీ తాను రూపొందిస్తున్న బాలయ్య సినిమా కోసం తీసుకువచ్చేందుకు చర్చలు జరిపినట్లుగా తెలుస్తోంది. బాలయ్యతో ప్రత్యేక పాట చేసేందుకు తమన్నా ఓకే చెప్పిందని సమాచారం.