NBK 108 Title : 'భగవంత్ కేసరి'గా.. గాడ్ ఆఫ్ మాసెస్, నట సింహం నందమూరి బాలకృష్ణ.. విజయ దశమికి ప్రేక్షకుల ముందుకు రానున్నారు. ప్రస్తుతం ఆయన 'NBK 108' సినిమా షూటింగ్తో బిజీగా ఉన్నారు. ఈ చిత్రమే విజయదశమి కానుకగా థియేటర్లలో రిలీజయ్యేందుకు సిద్ధమవుతోంది. శరవేగంగా షూటింగ్ జరుపుకుంటోంది. అయితే ఇప్పటికే విడుదలైన రెండు పోస్టర్లతో అభిమానులకు గూస్బంప్స్ తెప్పించిన మూవీ టీమ్.. తాజాగా మరో అదిరిపోయే అప్డేట్ ఇచ్చి అభిమానుల్లో జోష్ను నింపింది. ఈ సినిమా టైటిల్ కోసం ఎంతో ఆసక్తిగా ఎదురుచూస్తున్న అభిమానులకు.. జూన్‌ 10న బాలకృష్ణ పుట్టినరోజును పురస్కరించుకుని.. రెండు రోజుల ముందే సర్ప్రైజ్ ఇచ్చింది. 'అన్న దిగిండు.. ఇగ మాస్ ఊచకోత షురూ' అంటూ టైటిల్ పోస్టర్ను రిలీజ్ చేసింది. ఈ సినిమాకు 'భగవంత్ కేసరి' అనే టైటిల్ ఖరారు చేసినట్లు తెలిపింది. 'ఐ డోంట్ కేర్' ఉపశీర్షిక. టాలీవుడ్ సినిమా హిస్టరీలో ఎన్నడూ లేని విధంగా రికార్డు స్థాయిలో 108 లొకేషన్లలో టైటిల్ను రిలీజ్ చేశారు మేకర్స్ . 108 హోర్డింగ్స్పై టైటిల్ పోస్టర్లను విడుదల వేశారు. ఇంతకుముందెప్పుడూ చూడని సరికొత్త పాత్రలో బాలకృష్ణను చూపించనున్నట్లు పేర్కొన్నారు. పోస్టర్లో బాలయ్య పవర్ఫుల్ లుక్లో కనిపిస్తున్నారు.
NBK 108 Teaser : ఇకపోతే బాలకృష్ణ అభిమానులకు.. డైరెక్టర్ అనిల్ రావిపూడి మరో సర్ప్రైజ్ కూడా సిద్ధం చేసినట్లు తెలిసింది. బాలయ్య పుట్టిన రోజున 'భగవంత్ కేసరి' టీజర్ను రిలీజ్ చేసేందుకు సన్నాహాలు చేస్తున్నారట. ఈ చిత్రాన్ని షైన్ స్క్రీన్స్ బ్యానర్పై హరీష్ పెద్ది, సాహు గారపాటి నిర్మిస్తున్నారు.