Nawazuddin Siddiqui molestation case: బాలీవుడ్ నటుడు నవాజుద్దీన్ సిద్ధిఖీకి కోర్టులో ఊరట లభించింది. వేధింపులకు పాల్పడ్డారనే కేసులో నవాజుద్దీన్తో పాటు అతడి నలుగురు కుటుంబ సభ్యులకు క్లీన్ చిట్ ఇచ్చింది.
ఓ మైనర్ను వేధించారని 2012లో నవాజుద్దీన్పై కేసు నమోదైంది. అతడి తల్లి మెహర్ఉన్నీసా, సోదరులు మినాజుద్దీన్, ఫయాజుద్దీన్, అయాజుద్దీన్.. నవాజుద్దీన్కు సహకరించారని ఆరోపణలు వచ్చాయి. ముంబయిలోని వెర్సోవా పోలీస్ స్టేషన్లో ఈ విషయంపై కేసు నమోదైంది. అనంతరం బుధానా స్టేషన్కు బదిలీ అయింది. దీనిపై విచారణ చేపట్టిన పోక్సో ప్రత్యేక న్యాయస్థానం తాజాగా తీర్పు వెలువరించింది. అభియోగాలు ఎదుర్కొంటున్న అందరిని నిర్దోషులుగా తేల్చింది. కేసును మూసివేసి, నివేదిక సమర్పించాలని న్యాయమూర్తి సంజీవ్ కుమార్ తివారీ.. పోలీసులను ఆదేశించారు.