Nani On Vijay Devarakonda Rashmika :నేచురల్ స్టార్ నాని ప్రస్తుతం హాయ్ నాన్న సినిమా ప్రమోషన్స్లో బిజీగా ఉన్నారు. ఇటీవల వరుస ఇంటర్వ్యూల్లో పాల్గొంటున్న ఆయన.. హాయ్ నాన్న ప్రీ రిలీజ్‌ ఈవెంట్‌లో నటులు విజయ్ దేవరకొండ, రష్మిక ఫొటోలు ప్రదర్శించడంపై తాజాగా స్పందించారు. ఇక తాజా ఇంటర్వ్యూలో ఆయన పలు విషయాలపై ఇంట్రెస్టింగ్ కామెంట్స్ చేశారు.
అది దురదృష్టకరం..ప్రీ రిలీజ్‌ ఈవెంట్‌లో నటుడు విజయ్ దేవరకొండ, నటి రష్మికకు సంబంధించిన ఫొటోలను స్క్రీన్‌పై వేయడం నిజంగా దురదృష్టకరం. ఆ ఫొటో చూసి మేమంతా షాక్కు గురయ్యాం. అలాంటి ఈవెంట్స్‌ కోసం ఎంతోమంది పని చేస్తారు. ఇక మేమంతా (విజయ్ దేవరకొండ, రష్మికను ఉద్దేశించి) మంచి స్నేహితులం. సినిమా ప్రమోషన్స్లో ఇలాంటి సంఘటనలు జరుగుతుంటాయని వాళ్లకు తెలుసు. దాని వల్ల ఎవరైనా ఇబ్బందిపడి ఉంటే నాతో పాటు హాయ్ నాన్న చిత్రబృందం నుంచి సారీ చెబుతున్నాం.
ఆ సినిమాలు అందుకే వదులుకున్నా..!ప్రస్తుతం కెరీర్‌లో నేను నా సినిమాలపైనే ఎక్కువ ఫోకస్‌ చేస్తున్నా. డిఫరెంట్ పాత్రలతో ప్రేక్షకులను ఎంటర్టైన్ చేయాలనుకుంటున్నాను. అందుకే ఇతర హీరోల సినిమాల్లో నటించే ఉద్దేశం ఇప్పడైతే లేదు. ఈ కారణంగానే కొన్ని ప్రాజెక్ట్లు వదులుకున్నా. అలాగే, రీమేక్ సినిమాల్లో నటించడం నాకు పెద్దగా నచ్చదు. ఇప్పటివరకూ రెండు రీమేక్ చిత్రాల్లో నటించా. ఇక ఈ రోజుల్లో భాషతో సంబంధం లేకుండా మంచి కంటెంట్‌ ఉన్న సినిమాలను ప్రేక్షకులు ఆదరిస్తున్నారు.