Balakrishna Upcoming Movies : నటసింహం నందమూరి బాలకృష్ణ.. ఈ ఏడాది ప్రారంభంలోనే వీరసింహారెడ్డి చిత్రంతో బ్లాక్ బస్టర్ విజయాన్ని అందుకున్నారు. గోపీచంద్ మలినేని దర్శకత్వంలో రూపొందిన ఈ చిత్రంలో పవర్‌ఫుల్ పాత్రలో కనిపించి.. డైలాగ్స్, మేనరిజమ్స్‌తో ఫ్యాన్స్‌కు మంచి కిక్ ఇచ్చారు. ఇప్పుడు కమర్షియల్ డైరెక్టర్ అనిల్ రావిపూడితో NBK108 చిత్రంలో నటిస్తుండగా.. కాజల్ అగర్వాల్, శ్రీలీల ఫిమేల్ లీడ్స్‌గా కనిపించనున్నారు. ఈ సినిమా సంగతి పక్కనపెడితే బాలయ్య అప్‌కమింగ్ మూవీస్ లిస్ట్ చూసి అభిమానులు ఆశ్చర్యపోతున్నారట. NBK108 సహా ప్రస్తుతం బాలయ్య చేతిలో ఐదు చిత్రాలు ఉన్నాయట.
మాస్ ఎంటర్‌టైనర్‌గా తెరకెక్కుతున్న NBK108 దసరాకు విడుదల కానుంది. దీంతో షూటింగ్ పార్ట్ త్వరగా పూర్తి చేసి, వెంటనే నెక్ట్స్ మూవీని సెట్స్‌పైకి తీసుకు రావాలనుకుంటున్నారు బాలయ్య. ఈ మేరకు వాల్తేర్ వీరయ్య సినిమా డైరెక్టర్ బాబీతో మాస్ ఎంటర్‌టైనర్‌కు బాలయ్య సైన్ చేశారట. ఈ మూవీని సితార ఎంటర్‌టైన్‌మెంట్స్ నిర్మించనుందట. అయితే బోయపాటి శ్రీనుతో బాలకృష్ణ చేయాల్సిన సినిమా వచ్చే ఏడాది ప్రారంభం కానుందని సమాచారం. స్క్రిప్ట్‌పై పని చేసేందుకు మరింత సమయం కావాలని బోయపాటి కోరుకున్నారట. ప్రస్తుతం బోయపాటి.. రామ్ పోతినేనితో చేస్తున్న మూవీ విడుదలైన తర్వాతే బాలయ్య మూవీ స్క్రిప్ట్‌పై ఫోకస్ చేయనున్నారట.
Balakrishna New Movies List : మరోవైపు, హనుమాన్ మూవీ దర్శకుడు ప్రశాంత్ వర్మకు సైతం బాలకృష్ణ గ్రీన్ సిగ్నల్ ఇచ్చినట్లు తెలుస్తోంది. సుధాకర్ చెరుకూరి ఈ చిత్రాన్ని నిర్మిస్తారని ఇండస్ట్రీ వర్గాల్లో వినికిడి. కన్నడ స్టార్ శివరాజ్‌కుమార్, కోలీవుడ్ సూపర్‌స్టార్ రజనీకాంత్‌లతో బిగ్గెస్ట్ మల్టీస్టారర్ కోసం బాలయ్య చర్చలు జరుపుతున్నారట.