Nagarjuna Naa Saami Ranga OTT Streaming : టాలీవుడ్లో తనకంటూ ప్రత్యేక గుర్తింపు తెచ్చుకున్న హీరోల్లో నాగార్జున ఒకరు. ఈ టాలీవుడ్ మన్మథుడు ఎన్నో హిట్ సినిమాల్లో నటించి కింగ్‌గా ఎదిగారు. మొన్నటి వరకు బిగ్ బాస్ 7 తెలుగు సీజన్తో హోస్ట్గా అలరించిన ఈ సంక్రాంతికి 'నా సామి రంగ' సినిమాతో ప్రేక్షకుల ముందుకు వచ్చారు. ఇప్పటికే ఈ సంక్రాంతి 2024 బరిలో మహేశ్ బాబు గుంటూరు కారం, తేజ సజ్జా హనుమాన్, వెంకటేశ్ సైంధవ్ చిత్రాలు రిలీజై థియేటర్లలో అలరిస్తుండగా నేడు(జనవరి 14) నాగ్ తన సినిమాను విడుదల చేశారు.
ఈ చిత్రం(Naa Saami Ranga Review) మొదటి షో నుంచే బ్లాక్ బస్టర్ టాక్ను దక్కించుకుంది. ఘోస్ట్ వంటి డిజాస్టర్ తర్వాత ఈ చిత్రం సక్సెస్తో నాగ్ మళ్లీ కమ్ బ్యాక్ ఇచ్చారు. దీంతో సోషల్ మీడియాలో నా సామి రంగ ఫుల్ ట్రెండింగ్ అవుతోంది. ఈ నేపథ్యంలో నా సామిరంగ ఓటీటీ డీల్, పార్టనర్ విషయాలు కూడా బయటకు వచ్చాయి. ఈ మూవీ ఓటీటీ రైట్స్ను ప్రముఖ డిజిటల్ స్ట్రీమింగ్ సంస్థ డిస్నీ ప్లస్ హాట్ స్టార్ సొంతం చేసుకున్నట్లు తెలిసింది. అయితే ఈ సినిమాను థియేటర్‌లో విడుదలైన 45 రోజుల తర్వాతే ఓటీటీలోకి విడుదల చేస్తారని ఆ మధ్య వార్తలు వచ్చాయి. అంటే వచ్చే నెల ఫిబ్రవరి చివరి వారంలో లేదా మార్చి నెలలో నా సామిరంగ సినిమా ఓటీటీలో వస్తుందనమాట.