Nagarjuna Akkineni Sankranthi Movies:అక్కినేని నాగార్జున 'నా సామిరంగ' సినిమాతో మరోసారి సంక్రాంతి బరిలో నిలిచి బ్లాక్బస్టర్ హిట్ ఖాతాలో వేసుకున్నారు. ఆదివారం జనవరి 14న ప్రేక్షకుల ముందుకు వచ్చిన ఈ మూవీ ఫస్ట్ షో నుంచే పాజిటివ్ టాక్ తెచ్చుకుంది. దీంతో బుకింగ్స్ ఎక్కువవుతున్నట్లు తెలుస్తోంది. అయితే నాగార్జున సినీ కెరీర్లో ఇప్పటివరకు ఆరుసార్లు పొంగల్ ఫైట్లో నిలిచి 100 శాతం సక్సెస్ రేట్ సాధించారు. మరి ఆ సినిమాలేంటో తెలుసుకుందాం
మజ్ను: 1987లో తొలిసారి నాగార్జున 'మజ్ను' సినిమాతో సంక్రాంతి పోటీలో నిలిచారు. సూపర్ గుడ్ లవ్స్టోరీతో తెరెకెక్కిన ఈ సినిమా అప్పట్లో మంచి విజయం సాధించింది. దీంతో పొంగల్ బరిలో దిగిన తొలిసారే విజేతగా నిలిచారు నాగార్జున.
కిల్లర్: యాక్షన్ థ్రిల్లర్ జానర్లో తెరకెక్కిన 'కిల్లర్' 1992 జనవరి 10న రిలీజైంది. హిట్ టాక్ అందుకున్న ఈ మూవీ 100 రోజులు థియేటర్లలో ఆడింది. తర్వాత ఈ సినిమాను తమిళంలోకి కూడా డబ్బింగ్ చేశారు.
ఆవిడ మా ఆవిడే: నాగార్జున- ఈవీవీ సత్యనారాయణ కాంబోలో తెరకెక్కిన 'ఆవిడ మా ఆవిడే' 1998 సంక్రాంతికి రిలీజైంది. అప్పట్లో ఈ సినిమా మిక్స్డ్ టాక్ సొంతం చేసుకున్నా, కలెక్షన్ల పరంగా దూసుకెళ్లి కమర్షియల్ హిట్గా నిలిచింది.