Naga Chaitanya Latest Movie : టాలీవుడ్ స్టార్ హీరో నాగ చైతన్య లీడ్ రోల్లో తెరకెక్కుతున్న 'NC 23' సినిమాకు ఓ సాలిడ్ టైటిల్ను ఖరారు చేశారు మూవీ మేకర్స్. నవంబర్ 23న చైతూ బర్త్డే స్పెషల్గా విడుదలైన ఓ పోస్టర్ ద్వారా ఈ అనౌన్స్మెంట్ ఇచ్చారు. ఈ నేపథ్యంలో 'తండేల్' అనే టైటిల్ను రివీల్ చేశారు. షూటింగ్ త్వరలో మొదలవ్వనున్నట్లు వెల్లడించారు. ప్రస్తుతం ఈ పోస్ట్ర్ నెట్టింట తెగ ట్రెండ్ అవుతోంది.
NC 23 Movie Story : ఇక మూవీ విషయానికి వస్తే.. బతుకుతెరువు కోసం గుజరాత్‌లోని 'వీరవల్‌'కు వెళ్లి సముద్రవేట చేస్తున్న కొందరు మత్స్యకారులు పాకిస్థాన్‌ కోస్టు గార్డులకు చిక్కుతారు. ఆ తర్వాత వాళ్లు ఎదుర్కొన్న సమస్యలు.. కష్టాల గురించి ఈ సినిమాలో చూపించనున్నట్లు మేకర్స్ ఇటీవలే వెల్లడించారు. ఈ క్రమంలో శ్రీ కాకులానికి వెళ్లిన చిత్ర బృందం అక్కడున్న మత్స్యకారులను పలకరించి..వాళ్ల అలవాట్ల గురించి తెలుసుకున్నారు.
NC 23 Movie Cast :యాక్షన్ బ్యాక్‌డ్రాప్‌లో తెరకెక్కుతున్న ఈ సినిమాలో చైతూ సరసన కోలీవుడ్ స్టార్.. సాయి పల్లవి హీరోయిన్గా నటిస్తున్నారు. ఈ ఇద్దరి కాంబోలో ఇది రెండో సినిమా కావడం విశేషం. చందూ ముందేటి రూపొందిస్తున్న ఈ చిత్రాన్ని గీతా ఆర్ట్స్‌ బ్యానర్స్ నిర్మిస్తోంది. అయితే ఈ మూవీ కోసం నాగ చైతన్య.. తనని తాను మార్చుకున్నారు. ఫిట్నెస్ విషయంలో చాలా జాగ్రత్తలు తీసుకున్నారు. గడ్డం, జుట్టు పెంచి అల్ట్రా స్టైలిష్ లుక్లో కనిపించారు.