Mrunal Thakur Pippa Movie Release Date : ఓటీటీ ప్లాట్ఫామ్లు తమ ఆడియెన్స్ను ఎంటర్టైన్మెంట్ చేసేందుకు ఎప్పటికప్పుడు కొత్త కొత్త కంటెంట్లను తీసుకువస్తుంటాయ్. థియేటర్లలో విడుదలయ్యే సినిమాలు మాత్రమే కాకుండా.. డైరెక్ట్గా ఓటీటీ రిలీజ్ సినిమాలు, సీరిస్లను కూడా తీసుకొస్తుంటాయ్. అలా ఇప్పుడు సీతారామం ఫేమ్ మృణాల్ ఠాకూర్ నటించిన ఓ లేటెస్ట్ మూవీ డైరెక్ట్గా ఓటీటీ రిలీజ్కు రెడీ అయింది.
అదేంటంటే.. 'పిప్పా'. ఇందులో హీరో షాహిద్ కపూర్ తమ్ముడు ఇషాన్ కట్టార్ లీడ్ రోల్లో నటించారు. 1971 ఇండియా - పాకిస్థాన్ యుద్ధం ఆధారంగా ఈ చిత్రాన్ని రూపొందించారు. చిత్రంలో కెప్టెన్ బలరామ్ మెహతా పాత్రలో ఇషాన్ నటించారు. రాజా కృష్ణ మీనన్ దర్శకత్వం వహించారు. రీసెంట్గా విడుదలైన ఈ మూవీ ట్రైలర్కు మంచి రెస్పాన్స్ వచ్చింది. ఈ చిత్రం ఓటీటీలో డైరెక్ట్ రిలీజ్ కానుంది. తాజాగా స్ట్రీమింగ్ డేట్ను ఫిక్స్ చేశారు మేకర్స్. అమెజాన్ ప్రైమ్ ఓటీటీ ప్లాట్‍ఫామ్‍లో నవంబర్ 10 నుంచి అందుబాటులో ఉండనున్నట్లు వెల్లడించారు. యుద్ధంలో కెప్టెన్ బలరామ్ మెహతా చూపిన దేశభక్తి, పోరాటపటిమను ఈ సినిమాలో మేకర్స్ అద్భుతంగా చిత్రీకరించినట్లు సినీ వర్గాలు అంటున్నాయి. ఇంకా ఈ చిత్రంలో మృణాల్ ఠాకూర్తో పాటు ప్రియాన్షు పైన్యులీ, సోనీ రజ్దాన్ కూడా ఇతర ప్రధాన పాత్రల్లో నటించారు. ఏఆర్ రెహమాన్ సంగీతం అందించారు. ఆర్ఎస్‍వీపీ బ్యానర్‌పై రోనీ స్క్రీవాలా, రాయ్ కపూర్ ఫిల్మ్స్ బ్యానర్‌పై సిద్ధార్థ రాయ్ కపూర్ చిత్రాన్ని నిర్మించారు.