NBK 108 Title : టాలీవుడ్ నటసింహం నందమూరి బాలకృష్ణ తన 108 సినిమా షూటింగ్లో బిజీగా ఉన్నారు. విజయదశమి కానుకగా ఈ సినిమా విడుదల అయ్యేందుకు సిద్ధంగా ఉంది. దీంతో శరవేగంగా షూటింగ్ జరుపుకుంటోంది. అయితే ఇప్పటికే విడుదలైన రెండు పోస్టర్లతో అభిమానులకు గూస్బంప్స్ తెప్పించిన మూవీ టీమ్ ఈ సారి టైటిల్ రివీల్ కోసం గట్టిగానే ప్లాన్ చేస్తోంది.
సినీ వర్గాల సమాచారం ప్రకారం.. ఎన్బీకే 108కు 'భగవంత్ కేసరి' అనే టైటిల్ను పరిశీలించారట. దాన్నే ఖరారు చేసేందుకు సిద్ధంగా ఉన్నారట. కానీ ఇప్పటి వరకు ఈ విషయంపై ఎటువంటి అధికారిక ప్రకటన రాలేదు. అయితే నందమూరి బాలకృష్ణ పుట్టిన రోజు కానుకగా ఈ సినిమా టైటిల్ను రివీల్ చేయాలని మూవీ టీమ్ ప్లాన్ చేస్తోంది. జూన్ 10న ఆయన బర్తడే సందర్భంగా.. రెండు రోజుల ముందే జూన్ 8న టైటిల్ లాంఛ్ ఈవెంట్ను గ్రాండ్గా నిర్వహించనున్నారట.
NBK 108 Title Reveal : అయితే కాస్త డిఫరెంట్గా ఏర్పాట్లు చేస్తోంది. తెలుగు చలన చిత్ర పరిశ్రమలో ఎన్నడూ లేని విధంగా రికార్డు స్థాయిలో ఓ కార్యక్రమానికి శ్రీ కారం చుట్టింది. రెండు తెలుగు రాష్ట్రాలలోని 108 లొకేషన్లలో భారీ హోర్డింగ్స్ను ఏర్పాటు చేసి.. వాటిపై టైటిల్ అనౌన్స్ చేసేందుకు ప్లాన్ చేసింది. 108 హోర్డింగ్స్ మీద టైటిల్ పోస్టర్లు వేసేలా ఏర్పాట్లు చేస్తోంది.
NBK 108 Cast : ఇక సినిమా విషయానికి వస్తే.. అనిల్ రావిపుడి దర్శకత్వంలో వస్తున్న ఈ భారీ యాక్షన్ మూవీలో బాలకృష్ణ డిఫరెంట్ షేడ్స్ ఉన్న రోల్లో నటిస్తున్నారు. ఇక ఆయనకు జోడీగా కాజల్ అగర్వాల్ నటిస్తున్నారు. యంగ్ హీరోయిన్ శ్రీలీలతో పాటు, తమిళ స్టార్ హీరో శరత్ కుమార్ ఈ సినిమాలో కీలక పాత్రలు పోషిస్తున్నారు. బాలీవుడ్ నటుడు అర్జున్ రాంపాల్ ఈ సినిమాలో విలన్ రోల్ చేస్తున్నారు. ''విజయ దశమికి ఆయుధ పూజ'' అంటూ దసరా కానుకగా ఈ సినిమా విడుదల కానుంది. షైన్ స్క్రీన్స్ పతాకంపై హరీష్ పెద్ది, సాహు గారపాటి ఈ చిత్రాన్ని సంయుక్తంగా నిర్మిస్తున్నారు.
