Adipurush New Update : ప్రముఖ బాలీవుడ్ దర్శకుడు ఓం రౌత్ దర్శకత్వంలో రెబల్ స్టార్ ప్రభాస్ నటిస్తున్న పాన్ ఇండియా సినిమా 'ఆదిపురుష్'. ఒక విధంగా చెప్పాలంటే బాలీవుడ్ ప్రతిష్ఠాత్మకంగా తీస్తున్న చిత్రం ఇది. ఈ సినిమా భారీ అంచనాలే ఉన్నాయి. అప్పుడప్పుడు అప్డేట్లు వదులుతూ.. ప్రేక్షకుల నోళ్లల్లో సినిమా నానేలా చేస్తోంది చిత్ర యూనిట్. దీంతో సోషల్ మీడియాలో అభిమానులు ప్రచారాన్ని హోరెత్తిస్తున్నారు. ఫ్యాన్ మేడ్ పోస్టర్లు క్రియేట్ చేస్తున్నారు. ఇవి అధికారిక పోస్టర్లకు ఏమాత్రం తీసిపోవడం లేదు. సినిమా గురించి గాసిప్లతో ఇన్బాక్స్లు నిండిపోతున్నాయి. ఈ సినిమా కోసం దేశవ్యాప్తంగా అభిమానులు ఎదురుచూస్తున్నారు. అయితే తాజాగా మరో అప్డేట్ వచ్చింది.
అయోధ్యలోని సరయు నది ఒడ్డున 'ఆదిపురుష్' సినిమా పోస్టర్, టీజర్ను విడుదల చేయనున్నారు. ఈ మేరకు సినిమా దర్శకుడు ఓం రౌత్ ట్విట్టర్ వేదికగా ప్రకటించారు. అక్టోబర్ 2 సాయంత్రం 7 గంటల 11 నిమిషాలకు ఈ సినిమా టీజర్ను విడుదల చేయనున్నట్లు తెలిపారు. ఈ సినిమాను 2023 జనవరి 12న రిలీజ్ చేయబోతున్నట్టు ప్రకటించారు.