Mokshagna Bhagavanth Kesari :నందమూరి నట వారసుడు మోక్షజ్ఞ సినీ తెరంగేట్రానికి సిద్ధం అవుతోన్న సంగతి తెలిసిందే. ఇప్పటికే ఓ పర్ఫెక్ట్ యాక్టర్గా అవ్వడానికి కావాల్సిన అన్ని విషయాలను నేర్చుకుంటున్నారట. తన డెబ్యూ సమయానికి హీరో మెటీరియల్గా మారాలని ఆయన గట్టిగా ప్రయత్నిస్తున్నట్లు టాక్ వినిపిస్తోంది.
అయితే ఈ మధ్యకాలంలో మోక్షజ్ఞ.. 'భగవంత్ కేసరి' సినిమా ఈవెంట్స్లో బాగా కనిపిస్తున్నారు. ఒకప్పుడు సినిమా వేడుకలు, షూటింగ్లకు దూరంగా ఉండే ఆయన తరచూ మీడియాలో కంట్లో పడుతున్నారు. రీసెంట్గా భగవంత్ కేసరి సెట్స్లోనూ కనిపించి సందడి చేశారు. షూటింగ్ స్పాట్లో సరదాగా గడుపుతూ.. దర్శకుడు అనిల్ రావిపూడి, నటి శ్రీలీల, కొరియోగ్రాఫర్ శేఖర్ మాస్టర్తో కలిసి ముచ్చటించారు. ఇలా మోక్షజ్ఞ తరచూ సెట్స్ను సందర్శించడంపై మూవీ నిర్మాత సాహూ గారపాటి తాజాగా ఓ ఇంటర్వ్యూలో స్పందించారు. "వీలైనప్పుడల్లా లొకేషన్‌కు బాలకృష్ణతో పాటు మోక్షజ్ఞ వెళ్తున్నారు. వచ్చే ఏడాది ఆయన్ను సినిమాలకు పరిచయం చేయాలని బాలకృష్ణ ప్లాన్ చేస్తున్నారు. సినిమా నిర్మాణం గురించి అర్థం చేసుకునేందుకు మోక్షూ ప్రతిదీ దగ్గరనుంచి గమనిస్తున్నారు" అని సాహు చెప్పారు.
కాగా, మోక్షజ్ఞ ఎంట్రీ కోసం బాలయ్య బాబు అభిమానులు ఎంతో ఆసక్తిగా ఎదురుచూస్తున్నారు. త్వరలోనే మోక్షజ్ఞ ఎంట్రీకి సంబంధించిన అఫీషియల్ అనౌన్స్మెంట్ వచ్చే అవకాశాలు ఉన్నాయని బాలయ్య బాబు అభిమానులు భావిస్తున్నారు. ఈ ప్రకటనకు సంబంధించి డేట్, టైమ్ కూడా ఫిక్స్ చేసినట్లు ప్రస్తుతం సినీ వర్గాల్లో టాక్ నడుస్తోంది. అయితే భారీ బడ్జెట్ చిత్రంతోనే మోక్షజ్ఞ గ్రాండ్గా లాంఛింగ్ చేయాలనే ఆలోచనలో ఉన్నట్లు సమాచారం. కమర్షియల్, యాక్షన్ ఎంటర్టైనర్ కథతో రావాలని.. దాని కోసం ఇద్దరు ముగ్గురు దర్శకుల పేర్లు పరిశీలనలో ఉన్నట్లు ప్రచారం జరుగుతోంది. జూనియర్ ఎన్టీఅర్ స్థాయిలో స్టార్ హీరోగా మోక్షజ్ఞ ఎదగాలని బాలయ్య బాబు అభిమానులు ఆశిస్తున్నారు.