Chiranjeevi birthday wishes Alluarjun: 'పుష్ప' విజయంతో పాన్‌ఇండియా స్థాయిలో స్టార్‌డమ్‌ను సొంతం చేసుకున్నారు ఐకాన్‌స్టార్‌ అల్లు అర్జున్‌. కెరీర్‌లో బిగ్గెస్ట్‌ హిట్ను అందుకున్న ఆయన ప్రస్తుతం తన తదుపరి సినిమాలపై దృష్టి పెట్టారు. నేడు ఆయన 40వ సంవత్సరంలోకి అడుగుపెట్టారు. ఈ సందర్భంగా పలువురు సినీతారలు, దర్శకనిర్మాతలు శుభాకాంక్షలు తెలుపుతూ పోస్టులు పెడుతున్నారు. ఈ నేపథ్యంలోనే మెగాస్టార్ చిరంజీవి కూడా తన మేనల్లుడ్ని ఉద్దేశిస్తూ ఓ ట్వీట్ పెట్టారు. ‘"హ్యాపీ బర్త్డే బన్నీ. పని పట్ల నువ్వు చూపించే పట్టుదల, కష్టపడేతత్వమే నీకు విజయాలు వరించేలా చేస్తోంది. ఈ ల్యాండ్‌మార్క్‌ పుట్టినరోజుని ఎప్పటికీ గుర్తుండిపోయేలా పార్టీ చేసుకో" అని చిరు పేర్కొన్నారు.
చిరు చేసిన ట్వీట్‌పై బన్నీ అభిమానులు సంతోషం వ్యక్తం చేస్తున్నారు. లైక్స్‌, రిట్వీట్స్‌ రూపంలో తమ రియాక్షన్స్‌ తెలియజేస్తున్నారు. అలా, కొన్ని క్షణాల్లోనే ఈ ట్వీట్ సోషల్మీడియాలో వైరల్గా మారింది. కాగా, అల్లు అర్జున్‌ పుట్టినరోజును ఘనంగా జరుపుకోవడానికి తన భార్య, పిల్లలు, ఇతర కుటుంబ సభ్యులతో కలిసి సెర్బియాకు వెళ్లినట్లు తెలిసింది. అక్కడే ఆయన వెకేషన్ ఎంజాయ్ చేస్తున్నారు.