'గాడ్ ఫాదర్' సక్సెస్తో ఫుల్ జోష్లో ఉన్న మెగాస్టార్ చిరంజీవి 'వాల్తేరు వీరయ్య'గా శుక్రవారం సినీ ప్రేక్షకుల ముందుకొచ్చారు. ఫుల్ మాస్ ఎంటర్టైనర్గా తెరకెక్కిన ఈ మూవీ.. విడుదలకు ముందే సాంగ్స్తో పూనకాలు తెప్పించేసింది. చిరుతో రవితేజ జతకట్టడం వల్ల సినిమాపై అంచనాలు మరింత ఊపందుకున్నాయి. మొత్తానికి శుక్రవారం.. తెల్లవారుజామున 4 గంటల నుంచి థియేటర్ల వద్దకు పెద్ద ఎత్తున అభిమానులు చేరుకొని కేరింతలు కొడుతూ సందడి చేశారు. సుమారు 1200 థియేటర్లలో 'వాల్తేరు వీరయ్య' చిత్రం విడుదలైంది. అన్నయ్య సినిమా తర్వాత చిరు-రవితేజ ఒకేసారి తెరపై కనిపించడంతో అభిమానులు సంబరాలు చేసుకుంటున్నారు.
వాల్తేరు వీరయ్య ట్విట్టర్ రివ్యూ.. చిరు-రవితేజ కాంబో మాస్ పూనకాలు లోడింగ్!
మెగాస్టార్ అభిమానులు ఎప్పుడెప్పుడా అని ఎదురు చూస్తున్న వాల్తేరు వీరయ్య సినిమా శుక్రవారం థియేటర్లలో సందడి చేసింది. ఇప్పటికే బెనిఫిట్ షో చూసిన ఫ్యాన్స్ ట్విట్టర్ వేదికగా తమ అభిప్రాయాలను పంచుకున్నారు. ఓ సారి వాటిని చూసేద్దాం రండి.
waltair veerayya
ఇప్పటికే బెనిఫిట్ షోకు వెళ్లొచ్చిన ఫ్యాన్స్ సినిమాలోని హైలేట్ సీన్స్ గురించి ట్విట్టర్ వేదిక ద్వారా తమ అభిప్రాయాల రూపంలో వివరిస్తున్నారు. ఫస్టాఫ్ బాగుందని కొందరు అంటుంటే.. ఇంటర్వెల్ సీన్ ఓ రేంజ్లో ఉందని మరికొందరు కామెంట్ చేస్తున్నారు. ఇక డాన్సులు, పాటలు అన్నీ ఊరమాస్ అంటూ థియేటర్లలో చిందులేస్తున్నారు. రవితేజ్ ఎమోషన్తో ఏడిపించేశారని అంటున్నారు. మొత్తానికి అటు మెగా ఫ్యాన్స్ ఇటు మాస్ మహారాజ్ అభిమానులకు సినిమా పూనకాలు తెప్పించిందన్నమాట!
Last Updated : Jan 13, 2023, 8:22 AM IST