మెగాస్టార్ చిరంజీవి వరుస సినిమాలతో దూసుకెళ్తున్నారు. ఇప్పటికే ఈ ఏడాది ఆచార్య, గాడ్ ఫాదర్ చిత్రాలతో ఆయన సందడి చేశారు. ఇదే వరుసలో ఆయన నటిస్తోన్న మరో చిత్రం 'వాల్తేరు వీరయ్య'. ఇదివరకే విడుదలైన ఫస్ట్లుక్ పోస్టర్, టీజర్‌తో సినిమా అంచనాలు భారీగా పెరిగాయి. ఇక బాస్ పార్టీ సాంగ్తో ఫ్యాన్స్ పండగ చేసుకుంటున్నారు. తాజాగా ఈ సినిమా నుంచి రెండో పాట విడుదలైంది. 'నువ్వు శ్రీదేవైతే.. నేనే చిరంజీవి అంట..' అంటూ సాగే ఈ పాటను జస్ప్రీత్, సమీరా భరద్వాజ్ అద్భుతంగా పాడారు.
మంచు అందాల్లో చిరు-శ్రుతి రొమాన్స్.. 'వాల్తేరు వీరయ్య' డ్యూయెట్ అదుర్స్!
మెగస్టార్ చిరంజీవి మాస్ గెటప్లో వస్తున్న చిత్రం 'వాల్తేరు వీరయ్య'. ఈ సినిమా కోసం ప్రేక్షకులు ఎంతో అసక్తిగా ఎదురుచూస్తున్నారు. తాజాగా ఈ సినిమాలోని 'శ్రీదేవీ-చిరంజీవి' సాంగ్ విడుదలైంది. జస్ప్రీత్- సమీర వోకల్స్తో సాంగ్ అదిరిపోయింది.
waltair veerayya movie
ఇక, ఈ చిత్రంలో చిరంజీవి తమ్ముడి పాత్రలో మాస్ మహారాజా రవితేజ నటిస్తున్నారు. శ్రుతి హాసన్ హీరోయిన్. వైజాగ్ బ్యాక్ డ్రాప్‌తో తెరకెక్కుతోన్న ఈ చిత్రాన్ని మైత్రీ మూవీ మేక‌ర్స్ బ్యాన‌ర్ నిర్మిస్తోంది. మెగా ఫ్యాన్స్‌తో పాటు సినీ ప్రేక్షకులు మెచ్చేలా దర్శకుడు బాబీ సినిమాను రూపొందిస్తున్నారు. సంక్రాంతి సందర్భంగా జనవరి 13న 'వాల్తేరు వీరయ్య' రిలీజ్ కానుంది.