Mangalavaram Trailer : 'ఆర్ఎక్స్100' దర్శకుడు అజయ్ భూపతి-హీరోయిన్ పాయల్ రాజ్పుత్ కలిసి చేస్తున్న తాజా చిత్రం 'మంగళవారం'. సస్పెన్స్ థ్రిల్లర్గా రూపొందిన ఈ చిత్రం నవంబర్ 17న విడుదల కానుంది. ఇప్పటికే చిత్ర బృందం విడుదల చేసిన టీజర్, టైటిల్ అండ్ ఫస్ట్ లుక్ పోస్టర్తో సినిమాపై మరింత ఆసక్తిని పెంచాయి. ఇక తాజాగా ఈ సినిమా ట్రైలర్ను మెగాస్టార్ చిరంజీవి విడుదల చేశారు.
ట్రైలర్లో ఏం ఉందంటే.. ఊర్లో అక్రమ సంబంధాలు పెట్టుకున్న వ్యక్తుల పేర్లను ఓ అజ్ఞాతవాసి గోడపై రాస్తుంటాడు. ఆ గోడ మీద అలా రాస్తున్నదెవరు? ఎందుకు అలా చేస్తున్నారు? ప్రతి మంగళవారం ఊర్లో ఎందుకు హత్యలు జరుగుతున్నాయి? తదితర ఆసక్తికర విషయాలను తెలియజేస్తూ ట్రైలర్ సాగుతుంది. హత్య చేసిన ప్రతిసారి.. ఓ వ్యక్తి గోడపైన ఏదో రాసి పెట్టి ఉంచడం.. ఇక ముసుగు వేసుకుని ఊరి ప్రజలను భయపెడుతున్న ఆ వ్యక్తి ఎవరు ? అటువంటి ప్రశ్నలతో ట్రైలర్ కట్ చేసిన తీరు ఆడియన్స్ను ఆకట్టుకుంటోంది. అలా ఈ ట్రైలర్ మొత్తం థ్రిల్లింగ్ ఎలిమెంట్స్తో నింపేశారు దర్శకుడు. ఇక ట్రైలర్లో సినిమా స్టోరీని అంతగా రివీల్ చేయకుండా కొన్ని సీన్స్‌ను హైలైట్ చేస్తూ డైరెక్టర్ చూపించిన విధానం కూడా ఆకట్టుకుంటోంది.
ఇక ఈ సినిమా విషయానికి వస్తే.. పాయల్ రాజ్పుత్, 'రంగం' ఫేమ్ అజ్మల్ అమీర్ జంటగా నటించిన ఈ చిత్రాన్ని.. ముద్ర మీడియా వర్క్స్ పతాకంపై స్వాతి రెడ్డి గునుపాటి, సురేష్ వర్మ తెరకెక్కించారు. నవంబర్ 17న ఈ చిత్రం తెలుగు, తమిళ, కన్నడ, మలయాళం, హిందీ భాషల్లో విడుదల కానుంది. ఈ సినిమాకు 'కాంతార' ఫేమ్ అజనీశ్ లోక్‌నాథ్ సంగీతాన్ని అందించారు.