'మేజర్' అప్డేట్.. మహేశ్ చేతుల మీదగా 'జయమ్మ' కొత్త ట్రైలర్ - మేజర్ సినిమా ట్రైలర్ రిలీజ్ డేట్
కొత్త సినిమా అప్డేట్స్ వచ్చాయి. ఇందులో యాంకర్ సుమ 'జయమ్మ పంచాయితీ', అడివిశేష్ 'మేజర్' చిత్రాల సంగతులు ఉన్నాయి.
Major movie trailer: మేజర్ సందీప్‌ ఉన్నికృష్ణన్‌ జీవితం ఆధారంగా రూపొందుతున్న సినిమా 'మేజర్'. సందీప్‌గా నటించడంతోపాటు... చిత్రానికి కథ, స్క్రీన్‌ప్లే సమకూర్చారు కథానాయకుడు అడివి శేష్‌. శశికిరణ్‌ తిక్క దర్శకుడు. ప్రముఖ కథానాయకుడు మహేష్‌బాబు సొంత సంస్థ జీఎంబీ ఎంటర్‌టైన్‌మెంట్‌, ఏ ప్లస్‌ ఎస్‌ మూవీస్‌తో కలిసి సోసీ పిక్చర్స్‌ ఇండియా సంస్థ నిర్మించింది. తెలుగుతోపాటు, హిందీ, మలయాళ భాషల్లో ఏకకాలంలో జూన్‌ 3న ప్రేక్షకుల ముందుకు రానుంది. సినిమా విడుదల తేదీ దగ్గర పడటం వల్ల తాజాగా ఓ కొత్త అప్డేట్ ఇచ్చింది మూవీటీమ్. మే 9న ట్రైలర్ విడుదల చేయనున్నట్లు తెలిపింది. దీంతో పాటే ఓ మేకింగ్ వీడియోను రిలీజే చేసింది. కాగా, మేజర్ సందీప్‌ బాల్యం, యవ్వనంతోపాటు భారతసైన్యంలో ఆయన అనుభవాలు, ముంబయి దాడుల ఘటనలో చేసిన సహసాలు, త్యాగం వరకు ఆయన జీవితానికి సంబంధించిన విభిన్న కోణాల్ని ఈ చిత్రంలో చూపనున్నారు. ప్రస్తుతం నిర్మాణానంతర కార్య క్రమాలు జరుగుతున్నాయి. అడివి శేష్‌ స్వయంగా నిర్మాణానంతర పనుల్ని పర్యవేక్షిస్తున్నారు. శోభితా ధూళిపాల, సయీ మంజ్రేకర్‌, ప్రకాష్‌రాజ్‌, రేవతి, మురళీశర్మ తదితరులు నటించిన ఈ చిత్రానికి శ్రీచరణ్‌ పాకాల స్వరాలు సమకూర్చారు.