Major movie new release date: ఇప్పటికే పలు సార్లు వాయిదా పడిన హీరో అడివి శేష్ చిత్రం 'మేజర్' రాకకు కొత్త ముహూర్తం కుదిరింది. ప్రపంచవ్యాప్తంగా థియేటర్లలో జూన్3న తెలుగు, హిందీ, మలయాళ భాషల్లో విడుదల చేయనున్నట్లు నిర్మాతలు ప్రకటించారు. 26/11 ముంబయి ఉగ్ర దాడుల్లో వీరమరణం పొందిన మేజర్ సందీప్‌ ఉన్నికృష్ణన్‌ జీవితాధారంగా తెరకెక్కించిన పాన్‌ ఇండియా చిత్రమిది. టైటిల్‌ పాత్రను అడివి శేష్ పోషించారు. శశికిరణ్‌ తిక్క తెరకెక్కించారు. మహేష్‌బాబు జీఎంబీ ఎంటర్‌టైన్‌మెంట్స్‌, ఏ ప్లస్‌ ఎస్‌ మూవీస్‌, సోనీ పిక్చర్స్‌ ఫిల్మ్స్ ఇండియా సంస్థలు సంయుక్తంగా నిర్మించాయి. ఈ సినిమాలో సందీప్‌ బాల్యాన్ని, యవ్వనాన్ని.. ఉగ్రదాడుల్లో ఆయన ముష్కరులతో పోరాడిన తీరును ఆసక్తికరంగా చూపించనున్నారు. ఇందులో అడివి శేష్‌కు జోడీగా సయీ మంజ్రేకర్‌ కనిపించనుంది. శోభితా ధూళిపాళ్ల, ప్రకాష్‌ రాజ్, రేవతి, మురళీ శర్మ తదితరులు కీలక పాత్రలు పోషించారు. ఈ చిత్రానికి శ్రీచరణ్‌ పాకాల సంగీతం అందించగా.. వంశీ పచ్చిపులుసు ఛాయాగ్రహణం అందించారు.
కొత్త రిలీజ్ డేట్తో 'మేజర్'.. పునీత్ ఫ్యామిలీ నుంచి మరో హీరో!
New cinema updates: వాయిదా పడుతూ వస్తున్న హీరో అడివి శేష్ నటించిన 'మేజర్' చిత్రం ఎట్టకేలకు కొత్త రిలీజ్ డేట్ను ఖరారు చేసుకుంది. దీంతో పాటే 'కేజీఎఫ్' ప్రొడక్షన్ హౌస్ హోంబలే ఫిల్మ్స్ తన కొత్త సినిమాను ప్రకటించింది.
KGF production house new film: 'కేజీయఫ్‌' సిరీస్‌ చిత్రాలతో తెలుగు ప్రేక్షకుల్లోనూ గుర్తింపు తెచ్చుకున్న కన్నడ సినీ నిర్మాణ సంస్థ హోంబలే ఫిల్మ్స్. ఈ పతాకంపై యశ్‌ హీరోగా దర్శకుడు ప్రశాంత్‌ నీల్‌ తెరకెక్కించిన 'కేజీయఫ్‌ 1', 'కేజీయఫ్‌ 2' చిత్రాలు భారతీయ అభిమానులందరినీ కన్నడ చిత్ర పరిశ్రమ వైపు దృష్టి పెట్టేలా చేశాయి. దాంతో అక్కడ రూపొందుతున్న కొత్త చిత్రాలపై అంతటా ఆసక్తి నెలకొంది. ఈ నేపథ్యంలో హోంబలే ఫిల్మ్స్ జోరు పెంచింది. కొత్త సినిమాలను వరుసగా ప్రకటిస్తోంది. ఈ క్రమంలోనే మరో కొత్త చిత్రాన్ని ప్రకటించింది. కన్నడ లెజెండరీ యాక్టర్ రాజ్కుమార్ మనవడు, పునీత్రాజ్కుమార్ అన్న కొడుకు యువ రాజ్కుమార్ను హీరోగా లాంఛ్ చేయబోతున్నట్లు తెలిపింది. దీనికి సంతోష్ అనన్ద్రమ్ దర్శకత్వం వహించనున్నట్లు పేర్కొంది. బ్లాక్ అండ్ వైట్లో ఉన్న ఓ హీరో పోస్టర్ను కూడా విడుదల చేసింది.
ఇదీ చూడండి: Acharya First review: మెగాఫ్యాన్స్కు పూనకాలే.. ఫుల్ మాస్ మసాలా!