సూపర్ స్టార్ మహేశ్ బాబు, మాటల మాంత్రికుడు త్రివిక్రమ్ శ్రీనివాస్ కాంబినేషన్‌లో తెరకెక్కుతోన్న చిత్రం 'ఎస్ఎస్ఎంబీ 28'. సితార ఎంటర్టైన్మెంట్ నిర్మిస్తున్న ఈ మూనీ నైజాం డిస్ట్రిబ్యూషన్ హక్కుల కోసం తీవ్ర పోటీ నడుస్తుందని తెలుస్తోంది. కొద్ది కాలంగా భారీగా చర్చలు జరుగుతున్నాయని సమాచారం.
అయితే తాజాగా అందించిన సమాచారం ప్రకారం దిల్ రాజు ఈ రైట్స్ కోసం రూ.50కోట్లు ఇచ్చేందుకు సిద్ధమయ్యారని తెలిసింది. అయితే మరోవైపు ఏషియన్ సునీల్ సిండికేట్ కూడా రూ.48కోట్లకు అడగుతున్నారని వినిపిస్తోంది. అలా ఈ నైజాం రైట్స్ కోసం వీరిద్దరి మధ్య పోటీ నెలకొంది. మరి ఈ హక్కులు ఎవరి చెంతకు చేరుతాయో తెలియాల్సి ఉంది.
కాగా, నైజాం, వైజాగ్ ప్రాంతాలకు చాలా కాలంగా దిల్ రాజునే టాప్ డిస్ట్రిబ్యూటర్‌గా కొనసాగుతున్నారు. అగ్ర బ్యానర్లు మైత్రీ మూవీ మేకర్స్, హారిక అండ్ హాసిని క్రియేషన్స్, సహా ఇతరులు నిర్మించిన చిత్రాలను ఆయనే డిస్ట్రిబ్యూట్ చేస్తున్నారు. ప్రొడ్యూసర్ నాగ వంశీతో(సితార ఎంటర్టైన్మెంట్స్) మంచి సంబంధాలే ఉన్నాయి. ఇకపోతే మహేశ్ బాబు.. ఏషియన్ సునీల్‌తో బిజినెస్లు చేస్తున్నారు. ఈ నేపథ్యంలో ఎస్ఎస్ఎంబీ 28 రైట్స్ ఎవరికి దక్కుతాయనేది ఆసక్తికరంగా మారింది. మరోవైపు దిల్రాజు రూ.50కోట్లు వెచ్చించి ఈ రైట్స్ కొనుగోలు చేశారని వార్తలు వస్తున్నాయి.
ఇక ఎస్ఎస్ఎంబీ 28 విషయానికొస్తే.. 'అతడు', 'ఖలేజా' తర్వాత మహేశ్‌బాబు-త్రివిక్రమ్ కాంబినేషన్‌లో వస్తోన్న చిత్రమిది. #SSMB28గా ఇది ప్రచారంలో ఉంది. పవర్‌ఫుల్‌ కథాంశంతో ఈ సినిమా రానుందని సమాచారం. ఇందులో మహేశ్‌కు జోడీగా పూజాహెగ్డే నటించనున్నారు. శ్రీలీల మరో హీరోయిన్. తమన్ స్వరాలు సమకూరుస్తున్నారు.
ఇదీ చూడండి:షారుక్ 'పఠాన్' అస్సలు ఆగట్లేదుగా.. ఐదు రోజుల్లో రూ.550కోట్లు
