Mahesh Babu Star Name : టాలీవుడ్ సూపర్ స్టార్, బర్త్డే బాయ్ మహేశ్ బాబు.. అరుదైన ఘనత సాధించారు. మహేశ్ పుట్టినరోజును పురస్కరించుకుని అభిమానులు.. మహేశ్కు ఎప్పటికీ గుర్తుండిపోయే గిఫ్ట్ ఇచ్చారు. ఒక నక్షత్రానికి ఆయన పేరును రిజిస్టర్‌ చేయించారు. ఈ విషయాన్ని స్టార్ రిజిస్ట్రేషన్‌ సంస్థ అధికారికంగా తెలిపింది. ఈ మేరకు RA:12H33M29S నక్షత్రానికి మహేశ్ బాబు పేరు పెట్టారు. గెలాక్సీలో అత్యంత ప్రేమగా ఇష్టపడే నక్షత్రం ఇదేనంటూ వారు పేర్కొన్నారు.
వెకేషన్లో మహేశ్..
Mahesh Babu Vacation :ఇకపోతే.. మహేశ్బాబు ప్రస్తుతం వెకేషన్లో ఉన్నారు. కుటుంబసభ్యులతో కలిసి స్కాట్‌లాండ్‌ టూర్‌కు వెళ్లారు. బుధవారం ఆయన పుట్టినరోజును పురస్కరించుకుని సినీ ప్రముఖులు విషెస్‌ తెలుపుతున్నారు. మహేశ్ ఎప్పుడూ ఆయురారోగ్యాలతో సంతోషంగా ఉండాలంటూ చిరంజీవి, ఎన్టీఆర్‌, హరీశ్‌ శంకర్‌, తమన్‌, విజయ్‌ దేవరకొండ.. తదితరులు పోస్టులు పెట్టారు.
Mahesh Babu Guntur Kaaram Movie : ఇక, సినిమాల విషయానికి వస్తే.. ప్రస్తుతం ఆయన.. తివిక్రమ్ దర్శకత్వంలో గుంటూరు కారంలో నటిస్తున్నారు. చిత్రీకరణ దశలో ఉన్న ఈ సినిమా వచ్చే ఏడాది సంక్రాంతికి విడుదల కానుంది. ఈ సందర్భంగా నేడు(బుధవారం) మహేశ్ పుట్టినరోజును పురస్కరించుకుని బర్త్డే విషస్ చెబుతూ మేకర్స్ పోస్టర్ రిలీజ్ చేశారు. ఇందులో మహేశ్ లుంగీ కట్టుకుని, బీడీ కాలుస్తూ మాస్‌ లుక్‌లో కనిపించారు. ప్రస్తుతం ఈ ఫొటో సామాజిక మాధ్యమాల్లో వైరల్‌ అవుతోంది.