SSMB 28 Title : సూపర్స్టార్ మహేశ్ బాబు-మాటల మాంత్రికుడు త్రివిక్రమ్ శ్రీనివాస్‌ కాంబినేషన్‌లో #SSMB 28 చిత్రం తెరకెక్కుతోంది. ప్రముఖ నిర్మాణ సంస్థ హారిక అండ్‌ హాసిని క్రియేషన్స్‌ బ్యానర్పై ఈ సినిమా రూపొందుతోంది. ఈ క్రమంలోనే మే 31 సూపర్స్టార్ కృష్ణ జయంతి సందర్భంగా సినిమా టైటిల్, ఫస్ట్ గ్లింప్స్ను(SSMB 28 Glimpse) రిలీజ్ చేస్తామని ఊరిస్తూ 'మాస్ స్ట్రైక్' పేరుతో వరుసగా పోస్టర్లు రిలీజ్ చేస్తోంది మూవీటీమ్.
భారీ ఎత్తున అభిమానులు.. అయితే అభిమానులు ఎంతో ఆసక్తిగా ఎదురుచూస్తున్న ఈ రోజు వచ్చేసింది. చెప్పినట్టుగానే 'మాస్ట్ స్ట్రైక్' పేరుతో SSMB 28 టైటిల్, ఫస్ట్ గ్లింప్స్ను రిలీజ్ చేసింది చిత్రబృందం. సూపర్స్టార్ కృష్ణ జయంతి సందర్భంగా ఆయన నటించిన 'మోసగాళ్లకు మోసగాడు' రీరిలీజ్ అయిన థియేటర్లలో వీటిని ప్రదర్శించింది. భారీ అభిమానుల కేరింతలు, ఈలలు మధ్య వారి చేతే రిలీజ్ చేయించింది. ముందుగా నుంచి ప్రచారంలో ఉన్న 'గుంటూరు కారం' టైటిల్ను ఖారరు చేసింది. చాలా కాలం తర్వాత మహేశ్ ఇలాంటి మాస్ టైటిల్తో రాబోతున్నారు.
మొత్తంగా నిమిషం నాలుగు సెకన్ల నిడివి ఉన్న ఈ వీడియో ఆద్యంతం మహేశ్ మాస్ ఫైట్లతో ఆకట్టుకుంటోంది. సినిమాలో మహేశ్ మేనరిజం, బాడీ లాంగ్వేజ్ ఎలా ఉంటుందో చూపించడానికి ఈ టీజర్ను రిలీజ్ చేశారు. మహేశ్ స్టైలిష్ లుక్, అందులోనూ బీడి కాలుస్తూ నడవడం, 'బీడీ 3డీలో కనపడుతుందా' అంటూ అనడం అంతా ఆకట్టుకుంది. ఈ ఫైటింగ్ సీన్లో భాగంగా బాంబు పేలి జీపు గాల్లో లేచే ఓ సన్నివేశం పెట్టారు. స్టోరీకి సంబంధించి ఎలాంటి హింట్స్ లేదా ఇతర పాత్రల పరిచయాలు ఏమీ చెయ్యలేదు. ఇక తమన్ బ్యాక్ గ్రౌండ్ మ్యూజిక్, సన్నకర్ర అనే చిన్న బిట్ సాంగ్.. మహేశ్ను ఎలివేషన్ చేయడానికి బాగా ఉపయోగపడింది. బాగుంది కూడా. ఓవరాల్గా ఈ విజువల్ వీడియో ట్యాగ్ లైన్కు తగ్గట్టుగా ఉంది.