త్వ‌ర‌లోనే పవన్ కల్యాణ్, మ‌హేశ్ బాబు థియేట‌ర్ల ద్వారా ప్రేక్ష‌కుల ముందుకు రాబోతున్నారు. అయితే కొత్త సినిమాల‌తో కాదండోయ్. వారి బ్లాక్బస్టర్ హిట్ సినిమాలు మ‌రోసారి థియేట‌ర్ల‌లో రీరిలీజ్ కాబోతున్నాయి. పవన్ కల్యాణ్ 'ఖుషి', మ‌హేశ్ 'ఒక్క‌డు' సినిమాలు వారం రోజుల వ్య‌వ‌ధిలో రీరిలీజ్ కానున్నాయి.
వారం గ్యాప్‌లో థియేట‌ర్ల‌లోకి పవన్, మ‌హేశ్ బ్లాక్బస్టర్ మూవీలు.. కొత్తవి కాదండోయ్..
వారం గ్యాప్‌లో థియేట‌ర్ల‌లోకి టాలీవుడ్ స్టార్ హీరోలు పవన్, మ‌హేశ్ మూవీలు రానున్నాయి. అయితే అవి కొత్తవి కాదండోయ్.. వారి బ్లాక్బస్టర్ సినిమాలు రీరిలీజ్ కానున్నాయి. ఆ చిత్రాలు, విడుదలు తేదీల గురించి తెలుసుకుందాం.
mahesh babu okkadu and pavan kalyan kushi movies rerelease dates
పవన్ కల్యాణ్ హీరోగా ఎస్‌జే సూర్య ద‌ర్శ‌క‌త్వంలో రూపొందిన 'ఖుషి' సినిమా బిగ్గెస్ట్ క‌మ‌ర్షియ‌ల్ హిట్‌గా నిలిచింది. ఈగో స‌మ‌స్య‌ల చుట్టూ అల్లిన ఈ ప్రేమ‌క‌థ‌లో పవన్ యాక్టింగ్, డైలాగ్ డెలివ‌రీ, మేన‌రిజ‌మ్స్ యువ‌త‌రం ప్రేక్ష‌కుల్ని మెప్పించాయి. 2001లో విడుద‌లైన ఈ సినిమా పవన్ ఇమేజ్‌ను రెట్టింపు చేసింది. డిసెంబ‌ర్ 31న 'ఖుషి' రీరిలీజ్ కానుంది. జ‌న‌వ‌రి 6 వ‌ర‌కు థియేట‌ర్ల‌లో ఈ సినిమాను ప్ర‌ద‌ర్శించ‌బోతున్న‌ట్లు తెలిసింది.
పవన్ ఖుషి రీరిలీజైన వారం త‌ర్వాత మ‌హేశ్ 'ఒక్క‌డు' సినిమా కూడా థియేట‌ర్ల‌లోకి రానుంది. ఈ సినిమాను జ‌న‌వ‌రి 7న రీరిలీజ్ చేయ‌బోతున్నారు. స్పోర్ట్స్ బ్యాక్‌డ్రాప్ ల‌వ్స్టోరీగా రూపొందిన ఈ సినిమాకు గుణ‌శేఖ‌ర్ ద‌ర్శ‌క‌త్వం వ‌హించారు. 'ఖుషి', 'ఒక్క‌డు' సినిమాల్లో భూమిక చావ్లా హీరోయిన్‌గా న‌టించ‌డం గ‌మ‌నార్హం. ఇద్ద‌రు అగ్ర హీరోల సినిమాల వారం వ్య‌వ‌ధిలో రీరిలీజ్ కావ‌డం టాలీవుడ్‌లో ఆస‌క్తిని రేకెత్తిస్తోంది.