Mahesh babu Guntur Kaaram Prasads IMAX :సూపర్ స్టార్ మహేశ్ బాబు హీరోగా డైరెక్టర్ త్రివిక్రమ్ దర్శకత్వంలో తెరకెక్కిన మాస్ యాక్షన్ ఎంటర్టైనర్ సినిమా 'గుంటూరు కారం'. మరో రెండు రోజుల్లో సంక్రాంతి కానుకగా జనవరి 12న వచ్చేందుకు రెడీ అవ్వడంతో ఎక్కడ చూసిన ఈ సినిమా సందడే కనిపిస్తోంది. ఇప్పటికే రిలీజ్ అయిన ట్రైలర్, సాంగ్స్ నెట్టింట్లో తెగ సందడి చేస్తున్నాయి. అయితే మహేశ్ బాబు సినిమా అంటేనే సరికొత్త రికార్డులు నమోదు అవుతుంటాయి! అలాగే ఇప్పుడు గుంటూరు కారం దుమ్ము లేపడం మొదలైంది. ఈ క్రమంలోనే ఓ సరికొత్త ఆల్టైమ్ రికార్డ్ను నమోదు చేసిందీ చిత్రం.
వివరాల్లోకి వెళితే. తెలుగు రాష్ట్రాల్లో ఇప్పటికే 90 శాతం స్క్రీన్స్ ఈ గుంటూరు కారం సినిమాకే కేటాయించబోతున్నారు. అయితే హైదరాబాద్లో మల్టీప్లెక్స్లో సినిమా అంటే చాలా మందికి ముందుగా గుర్తొచ్చేది ప్రసాద్స్ ఐమ్యాక్సే(Prasads Multiplex Guntur Kaaram). ఏ సినిమా విడుదలైన తొలి రోజు పొద్దున్నే థియేటర్ దగ్గర భారీ హడావిడి కనిపిస్తుంటుంది. రివ్యూల కోసం యూట్యూబ్ ఛానల్స్, మీడియా కూడా ఇక్కడికే ఎక్కువగా వస్తుంటారు.
అయితే ప్రసాద్స్ ఐమ్యాక్స్లో 6 స్క్రీన్స్ ఉండగా - ఈ ఐమ్యాక్స్లో రోబో 2.0 సినిమా రిలీజ్ రోజు అత్యధికంగా 34షోలు పడి సరికొత్త రికార్డ్ సెట్ చేసింది. ఇప్పుడు ఆ రికార్డును గుంటూరు కారం బ్రేక్ చేసింది. గుంటూరు కారం సినిమా విడుదల రోజు ఏకంగా 41 షోలు వేయనున్నారు. ఈ విషయాన్ని ప్రసాద్స్ మల్టీప్లెక్స్ అఫీషియల్గా అనౌన్స్ చేసింది. అంతకుముందు ప్రసాద్ ఐమ్యాక్స్లో రిలీజ్ రోజు సలార్కు 31, ఆర్ఆర్ఆర్కు 33 షోలు పడ్డాయి. అంటే సలార్, ఆర్ఆర్ఆర్ రికార్డ్స్ కూడా బ్రేక్ అయ్యాయి.