Mahesh Babu Guntur Kaaram Day 1 Collections WorldWide :సూపర్ స్టార్ మహేశ్ బాబు'గుంటూరు కారం' జనవరి 12న భారీ స్థాయిలో రిలీజైన సంగతి తెలిసిందే. తొలి షో నుంచే డివైడ్ టాక్ తెచ్చుకున్నప్పటికీ ఈ సినిమా రికార్డ్ స్థాయిలో ఓపెనింగ్స్ను సాధించింది. ప్రపంచ వ్యాప్తంగా రూ. 94 కోట్లు వసూళ్లను సాధించినట్లు చిత్ర నిర్మాణ సంస్థ హారిక అండ్ హాసిని క్రియేషన్స్ అఫీషియల్గా అనౌన్స్మెంట్ చేసింది. ఆల్ టైమ్ రికార్డ్ అని ట్వీట్ చేసింది. ఓ రీజనల్ సినిమాకు ఇంతటి స్థాయిలో వసూళ్లు రావడం విశేషమనే చెప్పాలి.
హైదరాబాద్‌లో భారీగా షోలు - 'గుంటూరు కారం' చిత్రం తెలుగు రాష్ట్రాల్లో అత్యధిక థియేటర్లలో రిలీజ్ అయింది. ముఖ్యంగా నైజాం ఏరియాలో ఎంతో గ్రాండ్‌గా విడుదలైంది. అలా ఒక్క హైదరాబాద్ నగరంలోనే ఈ చిత్రం వెయ్యికి పైగా షోలు ప్రదర్శితం చేసుకుంది. తద్వారా ఈ ఘనత సాధించిన కొద్ది చిత్రాల్లో స్థానం సాధించింది.
క్రాస్ రోడ్స్‌లో - నైజాం ఏరియాలో గుంటూరు కారం సినిమా రూ. 16.9 కోట్లు వసూలు చేసినట్లు తెలిసింది. ఇక ఈ ఏరియాలో అత్యంత ముఖ్యమైన ఆర్టీసీ క్రాస్ రోడ్స్‌లో ఈ చిత్రానికి మొదటి రోజే భారీ స్థాయిలో మంచి రెస్పాన్స్‌ వచ్చింది. రూ. 81.61 లక్షలు గ్రాస్‌ను వసూలు చేసింది. ఈ క్రమంలోనే 'RRR' రూ. 75.85 లక్షల రికార్డును ఇది బ్రేక్ చేసింది.