LGM movie dhoni : క్రికెట్ రంగంలో ధోనీ, సినిమా రంగంలో ప్రభాస్, అల్లుఅర్జున్కు ఉన్న క్రేజ్ గురించి తెలిసిందే. ఈ ముగ్గురికి దేశవ్యాప్తంగా భారీగా అభిమానులు ఉన్నారు. అదే ఈ ముగ్గురు కలిసి సినిమాలు చేస్తే.. ఆ ఊహే బాగుంది కాదూ.. అంతా అనుకున్నట్టు జరిగితే ఇది భవిష్యత్లో జరిగే అవకాశముందంటూ మహీ భార్య సాక్షి చెప్పింది! తాజాగా 'ఎల్‌జీఎం'(Lets Get Married) చిత్రంతో ధోనీ.. సినీ నిర్మాణ రంగంలోకి అడుగుపెట్టారు. ఆయన సతీమణి సాక్షి.. ఈ వ్యవహారాలన్నీ చూసుకుంటోంది. ఈ చిత్రంలో హరీశ్‌ కల్యాణ్‌, ఇవానా ప్రధాన పాత్రల్లో నటించారు. కామెడీ అండ్ ఫ్యామిలీ ఎంటర్‌టైనర్‌ ఈ సినిమా జులై 28న రిలీజ్ కానుంది. ఈ క్రమంలోనే హైదరాబాద్‌ వేదికగా ఓ ప్రెస్‌మీట్‌లో సాక్షి ధోనీ పాల్గొన్నారు. పర్సనల్ అండ్ ప్రొఫెషనల్ లైఫ్ గురించి పలు ఆసక్తికర వ్యాఖ్యలు చేశారు. ఇందులో భాగంగానే అల్లు అర్జున్-ప్రభాస్తో సినిమా గురించి మాట్లాడారు.
"అల్లు అర్జున్, ప్రభాస్ స్టార్ హీరోలు. ప్రస్తుతం వారు భారీ బడ్జెట్‌ చిత్రాలు చేస్తున్నారు. ప్రస్తుతానికి మేం నిర్మాణ రంగంలో తొలి అడుగులు వేస్తున్నాము. భవిష్యత్తులో అవకాశం వస్తే ఆ ఇద్దరితో తప్పకుండా సినిమాలు చేస్తాను" అని సాక్షి ధోనీ అన్నారు. అలాగే తెలుగులో ఐకాన్‌స్టార్‌ అల్లు అర్జున్‌కు వీరాభిమాని అని చెప్పారు. బన్నీ నటించిన అన్ని సినిమాలు యూట్యూబ్లో చూసినట్లు చెప్పుకొచ్చారు. అలానే 'బాహుబలి', 'ఆర్‌ఆర్‌ఆర్‌' కూడా చూసినట్లు వెల్లడించారు. ఇంకా పలు విషయాల గురించి చెప్పారు.
LGM movie cast : ఇక ఎల్‌జీఎం సినిమా విషయానికొస్తే.. రమేష్‌ తమిళమణి చిత్రాన్ని తెరకెక్కించారు. సాక్షి ధోనీ, వికాస్‌ హస్జా కలిసి నిర్మించారు. నదియా, యోగిబాబు తదితరులు కీలక పాత్రలు పోషించారు. స్వతంత్ర భావాలున్న ఓ అమ్మాయి కథ ఇది. మన జీవితంలోని బంధాలు, బంధుత్వాల గురించి తెలియజెప్పే చిత్రంలా సినిమా సాగనుందని మూవీటీమ్ తెలిపింది. అత్తాకోడళ్ల మధ్య జరిగే సరికొత్త కథాంశంతో సినిమా రూపుదిద్దుకుంది.