Leo Villain :తమిళ నటుడు దళపతి విజయ్ లీడ్ రోల్లో తెరకెక్కిన లేటెస్ట్ మూవీ 'లియో'. లోకేశ్ కనగరాజ్ దర్శకత్వంలో రూపొందిన ఈ సినిమా అక్టోబర్ 19న థియేటర్లలో గ్రాండ్గా రిలీజైంది. భారీ అంచనాల నడుమ వచ్చిన ఈ సినిమా తమిళంలో ఆశించిన స్థాయిలో టాక్ను అందుకోవడమే కాకుండా రికార్డు స్థాయిలో కలెక్షన్ల వర్షాన్ని కూడా కురిపిస్తోంది. అయితే ఈ సినిమా ప్రారంభ సన్నివేశాల్లో సైకో కిల్లర్గా ఓ కుర్రాడు నటించాడు. తన యాక్టింగ్తో భయపెట్టేశాడు. కాసేపు వణికించాడు. మూవీ మొదట్లో కనిపించేది అతడు కాసేపే అయినా సైకో కిల్లర్ పాత్ర చాలామందికి గుర్తుండిపోతుంది. ఆ పాత్ర చేసింది ఎవరో తెలుసా?.. స్టార్ కొరియోగ్రాఫర్ శాండీ మాస్టర్.
'చాక్లెట్ కాఫీ'తో రచ్చరచ్చ!
Sandy Master Leo : తమిళంలో కొరియోగ్రాఫర్‌గా చాలా గుర్తింపు తెచ్చుకున్నాడు శాండీ మాస్టర్. అతడు కొన్ని సినిమాల్లో కామెడీ తరహా రోల్స్ చేశాడు. కానీ 'లియో'లో మాత్రం సైకో కిల్లర్ పాత్రలో వణికించేశాడు. హీరోతో తలపడే సీన్‌లో 'చాక్లెట్ కాఫీ' అని రచ్చ లేపాడు. 2005లో 'మానాడా మయిలాడా' అనే డ్యాన్స్ షోతో కెరీర్ ప్రారంభించిన ఇతడు.. అదే షో హోస్ట్ చేసిన కాలా మాస్టర్ దగ్గర శిక్షణ పొందాడు.
Sandy Master Movies :2014లో 'ఆహ్' సినిమాతో కొరియోగ్రాఫర్‌గా ఇండస్ట్రీలోకి ఎంట్రీ ఇచ్చాడు శాండీ. ఆ తర్వాత ఏడాదే 'ఇవనుక్కు తన్నిళ్ల గండం' అనే మూవీతో నటుడు కూడా అయిపోయాడు. అప్పటినుంచి ఇప్పటివరకు ఓ 20కి పైగా చిత్రాలకు కొరియోగ్రఫీ చేశాడు. రజనీకాంత్, విశాల్ తదితర సినిమాలకు పనిచేశాడు. ఇక 'ఆర్ఆర్ఆర్' ప్రమోషన్స్లో భాగంగా శాండీ మాస్టర్ చేసిన స్టేజీ ఫెర్ఫార్మెన్స్ ఇప్పటికీ అలరిస్తూ ఉంటుంది.