Leo Movie OTT Details : పేరుకు కోలీవుడ్ హీరోనే అయినా.. దేశవ్యాప్తంగా తనదైన యాటిట్యూడ్ స్టైల్తో భారీ ఫ్యాన్ ఫాలోయింగ్‌ను సొంతం చేసుకున్నారు ఇళయదళపతి విజయ్. సుదీర్ఘ కాలంగా ప్రేక్షకులను అలరిస్తున్న ఆయన.. సినిమా సినిమాకూ తన రేంజ్‌ను, మార్కెట్ను మరింత పెంచుకుంటూ వెళ్తున్నారు. ఈ క్రమంలోనే తాజాగా ఆయన భారీ యాక్షన్ ఎంటర్టైనర్ 'లియో'తో అభిమానుల ముందుకు వచ్చారు.
పక్కా యాక్షన్ మోడ్లో వచ్చిన ఈ సినిమా నేడే(అక్టోబర్ 19న) థియేటర్లలో విడుదలై డీసెంట్ టాక్ను అందుకుంది(Thalapathy Vijay Leo Movie Review). మొదటి రోజే భారీ ఓపెనింగ్స్ను అందుకునేలా ఉందని ట్రేడ్ వర్గాలు అంచనా వేస్తున్నాయి. అయితే అప్పుడే ఈ సినిమా డిజిటల్ స్ట్రీమింగ్ వివరాల గురించి క్లారిటీ వచ్చేసింది. ఈ చిత్రం ఓటీటీ రైట్స్ను ప్రముఖ సంస్థ నెట్ఫ్లిక్స్ సొంతం చేసుకుంది. సినిమా టైటిల్ కార్డులో ఈ విషయాన్ని రివీల్ చేశారు మేకర్స్.
Leo Movie Netflix : ఈ సినిమా రైట్స్ కోసం నెట్ఫ్లిక్స్ రికార్డ్ స్థాయి మొత్తాన్ని ముట్టజెప్పినట్లు కోలీవుడ్ మీడియాలో కథనాలు కూడా వస్తున్నాయి. ఈ చిత్రం.. థియేటర్లలోకి వచ్చిన నాలుగు వారాల తర్వాత స్ట్రీమింగ్ చేసేలా నెట్‌ఫ్లిక్స్తో అగ్రీమెంట్ జరిగిందట! అంటే అక్టోబర్ 19న థియేటర్లలోకి ఈ సినిమా వచ్చింది కాబట్టి.. నవంబర్ మూడో వారంలో స్ట్రీమింగ్‌కు అందుబాటులోకి వచ్చే ఛాన్స్ ఉందని తెలుస్తోంది.