Lal Salaam Teaser : తమిళ సూపర్ స్టార్ రజనీకాంత్ కుమార్తె ఐశ్వర్య తెరకెక్కిస్తున్న సినిమా 'లాల్ సలామ్'. బాలీవుడ్ బ్లాక్బస్టర్ 'కై పొ చే (Kai Po Che)' సినిమాకు రీమేక్గా ఈ సినిమా రూపొందుతున్నట్లు ఇన్సైట్ టాక్. ప్రముఖ నిర్మాణ సంస్థ లైకా ప్రొడక్షన్స్ బ్యానర్పై ఈ సినిమా రూపొందుతోంది. 2024 సంక్రాంతికి విడుదల చేయనున్నట్లు ఇప్పటికే ప్రకటించిన మూవీయూనిట్.. తాజాగా టీజర్కు సంబంధించిన అప్డేట్ ఇచ్చింది.
2023 నవంబర్ 12 ఆదివారం ఈ సినిమా టీజర్ను దీపావళి కానుకగా రిలీజ్ చేయనున్నట్లు చిత్రబృందం తెలిపింది. "గెట్రెడీ ఫర్ ప్రీఫేస్ లాల్ సలామ్" అంటూ ట్విట్టర్లో అధికారికంగా పోస్ట్ చేసింది. ఇక ఈ సినిమాలో విష్ణు విశాల్‌, విక్రాంత్‌ సంతోష్‌ ప్రధాన పాత్రల్లో నటిస్తున్నారు. తలైవా రజనీ.. అతిథి పాత్రలో మెరవనున్నారు. ముఖ్యంగా రజనీ.. మొయిదీన్ భాయ్‌ అనే స్పెషల్ రోల్ చేయడం వల్ల ప్రేక్షకుల్లో అంచనాలు అమాంతం పెరిగాయి. అలాగే ఈ చిత్రంలో టాలీవుడ్ సీనియర్ హీరో రాజశేఖర్ సతీమణి జీవిత నటిస్తున్నారు. ఆమె దాదాపు 33 ఏళ్ల తర్వాత వెండితెర పై కనిపించనున్నారు. ఈ సినిమా తమిళ్ సహా.. తెలుగు, హిందీ, కన్నడ, మలయాళ భాషల్లో తెరకెక్కుతోంది.
హార్డ్డిస్క్లు మాయం? రెగ్యులర్ షెడ్యూల్స్తో ఈ సినిమా.. షూటింగ్ పనులు శరవేగంగా జరుపుకుంటోంది. అయితే రజనీకాంత్పై చిత్రీకరించిన కొన్ని సీన్స్ హార్డ్ డిస్క్లో కనిపించట్లేదని నెట్టింట జోరుగా ప్రచారం సాగుతోంది. షూటింగ్ దాదాపు చివరి దశలో ఉండగా ఇలా జరగడం వల్ల మూవీయూనిట్ ఆందోళనకు గురైనట్లు తెలుస్తోంది. తలైవా సీన్స్ను హార్డ్ డిస్క్ల్లోంచి వెలికి తీసేందుకు.. టెక్నీషియన్లను విదేశాల నుంచి రప్పించనున్నారట. కానీ, దీనిపై మూవీటీమ్ నుంచి ఎలాంటి అధికారిక ప్రకటన రాలేదు.