Kushi Twitter Review :రౌడీ హీరోవిజయ్ దేవరకొండ టాలీవుడ్ బ్యూటీ సమంత నటించిన లేటెస్ట్ మూవీ 'ఖుషి'. 'మజిలీ' ఫేమ్ శివ నిర్వాణ దర్శకత్వంలో తెరకెక్కిన ఈ సినిమా శుక్రవారం థియేటర్లలో గ్రాండ్గా రిలీజైంది. సాంగ్స్, ప్రమోషనల్ ఈవెంట్స్తో మంచి టాక్ అందుకున్న ఈ సినిమా ఇప్పుడు ప్రేక్షకుల ముందుకొచ్చింది. ఈ క్రమంలో ఇప్పటికే ప్రీమియర్స్ చూసిన అభిమానులు సోషల్ మీడియా వేదికగా తమ అభిప్రాయాలను తెలియజేస్తున్నారు. ఇంతకీ ఖుషి ఏలా ఉందంటే ?
భారీ అంచనాల నడుమ వచ్చిన ఈ 'ఖుషి' సినిమాకు ఆడియెన్స్ నుంచి మంచి రెస్పాన్స్ వస్తోంది. ఇదొక సింపుల్ స్టోరీ అని.. ఇందులో విజయ్, సామ్ బాగా నటించారని ఒక నెటిజన్ ట్వీట్ చేయగా. ఇక ఫస్ట్ హాఫ్ పర్వాలేదనిపించగా.. సెకండ్ హాఫ్‌లో ఎమోషన్స్ వర్కౌట్ అయ్యాయని మరొకరు అభిప్రాయపడ్డారు.
Vijay Devarakonda Kushi Review : చివరి 30 నిమిషాలు సీన్లు ఎమోషనల్‌గా ఉన్నాయని.. సాంగ్స్, విజయ్ దేవరకొండ యాక్షన్ ఈ సినిమాకు ప్లస్ పాయింట్ అని మరో నెటిజన్ చెప్పుకొచ్చారు. 'ఖుషి' మూవీ వినోదంగా సాగే క్లీన్ రొమాంటిక్ కామెడీ చిత్రం అని.. రెగ్యులర్ స్టోరి, కొంత నిడివి సాగదీసినట్టు ఉంటుందంటూ అభిప్రాయపడుతున్నారు. మొత్తానికి ఈ సినిమా ఫ్యామిలీ ఆడియెన్స్‌కు నచ్చేలా ఉందంటూ మరొకరు ట్వీట్ చేశారు. సినిమాలో కామెడీ బావుందని ఎక్కువ మంది పేర్కొన్నారు. సినిమాకు ముందు నుంచే మంచి రెస్పాన్స్ అందుకున్న సాంగ్స్.. స్క్రీన్ మీద కూడా బాగున్నాయంటూ మరొకరు రాసుకొచ్చారు.