Kushi Movie Shooting Video : టాలీవుడ్ బ్యూటీ సమంత, రౌడీ హీరో విజయ్ దేవరకొండ ప్రస్తుతం 'ఖుషి' సినిమా షూటింగ్లో బిజీగా ఉన్నారు. వరుస షెడ్యూళ్లతో శరవేగంగా షూటింగ్ కంప్లీట్ చేసుకుంటున్న ఈ సినిమా ప్రస్తుతం తన లాస్ట్ షెడ్యూల్లో ఉంది. ఈ క్రమంలో మేకర్స్ సైతం చిత్రీకరణను కంప్లీట్ చేసే పనుల్లో నిమగ్నమైపోయారు. అయితే అప్పట్లో టర్కీలో లొకేషన్లలో షూటింగ్ జరగ్గా.. ఇప్పుడు ఈ సినిమా చిత్రీకరణ ఆంధ్రప్రదేశ్లోని ద్రాక్షారామంలో జరుగుతోంది. దీనికి సంబంధించిన ఓ వీడియో ఇప్పుడు సోషల్ మీడియాలో ట్రెండ్ అవుతోంది.
పంచారామాల్లో ఒకటైన ప్రసిద్థ పుణ్యక్షేత్రం ద్రాక్షారామం ఆలయంలో 'ఖుషి' చిత్రబృందం కనిపించింది. అక్కడ అందరూ ఓ యాగం చేస్తున్నట్లు కనిపించారు. ఓ వైపుసమంత, విజయ్ ట్రెడిషనల్ అవుట్ఫిట్లో కనిపించగా.. మురళీ శర్మ, సచిన్ ఖేడేకర్ లాంటి స్టార్స్ కూడా ఆ షూట్లో కనిపించారు. ఈ వీడియోను విజయ్ దేవరకొండ స్వయంగా తన ఇన్స్టాగ్రామ్లో పోస్ట్ చేశారు. ఇన్స్టాలో 'ది దేవరకొండ బ్రాడ్ కాస్ట్' అనే ఓ ఛానల్ను క్రియేట్ చేసిన ఆయన... అందులో ఈ వీడియోను షేర్ చేశారు. 'ఖుషి' లాస్ట్ షెడ్యూల్ అంటూ ఆయన అందులో పేర్కొన్నారు. దీంతో ఈ సినిమా చిత్రీకరణ కంప్లీట్ అయినట్లు తెలుస్తోంది. ఇక పోస్ట్ ప్రొడక్షన్ పనులన్నింటిని ముగించుకుని ఈ సినిమా సెప్టెంబర్ 1న పాన్ ఇండియా లెవెల్లో ప్రేక్షకుల ముందుకు రానుంది.