Kushi Second Single Song : రౌడీ హీరో విజయ్ దేవరకొండ, స్టార్ హీరోయిన్ సమంత లీడ్ రోల్స్లో తెరకెక్కుతున్న లేటెస్ట్ మూవీ 'ఖుషి' నుంచి మరో సాంగ్ రిలీజై సోషల్ మీడియాలో సెన్సేషన్ సృష్టిస్తోంది. 'ఆరాధ్య' అంటూ సాగే ఈ సాంగ్.. మ్యూజిక్ లవర్స్ను తెగ ఆకట్టుకుంటోంది. విజయ్ దేవరకొండ, సమంతకు పెళ్లి జరిగే సన్నివేశంతో మొదలైన ఈ పాట.. ఆ తర్వాత వారిద్దరి వైవాహిక జీవితంలో కొన్ని సంఘటనలను చూపిస్తూ సాగుతుంది. 'ఒకవేళ అందమైన పెళ్లి జీవితం ఓ మెలోడీ అయితే?' అంటూ మూవీ మేకర్స్ ఈ పాటను విడుదల చేశారు. హేషామ్ అబ్దుల్ వాహెబ్ స్వరపరిచిన ఈ పాటకు సినిమా దర్శకుడు శివ నిర్వాణ సాహిత్యాన్ని అందించగా.. సిద్ శ్రీరామ్ - చిన్మయి ఈ చక్కటి సాంగ్ను ఆలపించారు.
మెలోడియస్గా 'ఖుషి' సెకెండ్ సింగిల్.. సామ్-విజయ్ కెమిస్ట్రీ అదుర్స్
aradhya song kushi : సమంత, విజయ్ దేవరకొండ లీడ్ రోల్స్లో తెరకెక్కుతున్న ఖుషి నుంచి ఆరాధ్య అనే సెకెండ్ సింగిల్ రిలీజైంది. యూట్యూబ్లో సెన్సేషన్ క్రియేట్ చేస్తున్న ఈ పాటను మీరు కూడా ఓ సారి చూసేయండి..
Etv Bharat
Kushi Movie Songs : అయితే ఈ పాటలో సమంత, విజయ్ కెమిస్ట్రీ హైలైట్గా ఉందని అభిమానులు నెట్టింట కామెంట్లు పెడుతున్నారు. ఇప్పటికే వచ్చిన 'నా రోజా నువ్వే' సాంగ్.. రిలీజైన అన్నీ భాషల్లోనూ శ్రోతలను ఆకట్టుకోగా.. ఇప్పుడు 'ఆరాధ్య' కూడా మ్యూజిక్ లవర్స్ను తెగ ఆకట్టుకుంటోంది. ఈ పాటను హిందీ, తమిళం, కన్నడ, మలయాళంలోనూ చిత్ర యూనిట్ రిలీజ్ చేసింది. ఆయా భాషలను బట్టి గాయకులు, పాట రచయితలు వేర్వేరుగా ఉన్నారు.
Kushi Movie Cast : ఇక సినిమా విషయానికి వస్తే.. సమంత, విజయ్ లీడ్ రోల్స్లో నటిస్తున్న ఈ సినిమాకు శివ నిర్వాణ దర్శకత్వం వహించారు. మైత్రీ మూవీ మేకర్స్ పతాకంపై నవీన్ ఎర్నేని, రవిశంకర్ యలమంచిలి ఈ సినిమాను సంయుక్తంగా నిర్మిస్తున్నారు. మలయాళ నటుడు జయరామ్, 'వెన్నెల' కిశోర్, సచిన్ ఖేడేకర్, మురళీ శర్మ, లక్ష్మీ, అలీ, రోహిణి, రాహుల్ రామకృష్ణ, శ్రీకాంత్ అయ్యంగార్, శరణ్య ప్రదీప్ తదితరులు ఈ సినిమాలో కీలక పాత్రల్లో నటిస్తున్నారు. ప్రస్తుతం 'ఖుషి' సినిమా స్టార్.. షూటింగ్ కంప్లీట్ చేసే పనుల్లో ఉన్నారు. వరుస షెడ్యూళ్లతో శరవేగంగా షూటింగ్ కంప్లీట్ చేసుకుంటున్న ఈ సినిమా ప్రస్తుతం తన లాస్ట్ షెడ్యూల్లో ఉంది. వివిధ లొకేషన్లలో చిత్రీకరణ జరుపుకున్న ఈ సినిమా..తెలుగుతో పాటు తమిళ, కన్నడ, మలయాళ, హిందీ భాషల్లో సెప్టెంబర్ 1న గ్రాండ్గా విడుదల కానుంది.
Last Updated : Jul 12, 2023, 6:47 PM IST