Kushi Bookings :ఆగస్ట్ నెల టాలీవుడ్కు మంచి బూస్ట్ ఇచ్చింది. నెల ప్రారంభంలోనే సూపర్ స్టార్ రజనీకాంత్‌ నటించిన 'జైలర్‌' మైండ్ బ్లాక్ అయ్యే వసూళ్లను అందుకుంది. ఇక నెల చివర్లో వచ్చిన 'బెదురులంక 2012', 'బాయ్స్‌ హాస్టల్‌' లాంటి చిన్న చిత్రాలు కూడా మంచిగానే ఆడాయి. అయితే ఇప్పుడు సెప్టెంబర్ వంతు వచ్చింది. సెప్టెంబరు మొదటి రోజే విజయ్ దేవరకొండ - సమంతల ఖుషి రాబోతుంది(Vijay Devarkonda Samantha Kushi).
ఇదే నెక్ట్స్ టాలీవుడ్లో పెద్ద రిలీజ్ మూవీ. ఈ సినిమాకు మజిలీ, నిన్నుకోరి వంటి ప్రేమ కథలను తెరకెక్కించిన శివ నిర్వాణ దర్శకత్వం వహించారు. లవ్ అండ్ ఫ్యామిలీ ఎంటర్టైనర్గా ఈ చిత్రం మంచి అంచనాలతో పాన్ ఇండియా రేంజ్లో మరో రెండు రోజుల్లో రాబోతుంది(kushi movie release date). బాక్సాఫీస్ వద్ద మంచి ఓపెనింగ్స్ వస్తాయని ట్రేడ్ వర్గాలు అంచనాలు వేసుకుంటున్నారు.
తాజాగా ఈ సినిమా అడ్వాన్స్ బుకింగ్స్ కూడా బుక్ మై షో, పేటీఎంలో ప్రారంభం అయ్యాయి. ఈ విషయాన్ని మూవీటీమ్ తెలిపింది. ఇక ఈ చిత్ర ఫైనల్ కాపీ రన్ టైమ్ 2 గంటల 43 నిమిషాలు అంటే మొత్తం 163 నిమిషాలు ఉన్నట్లు తెలిసింది. మొదటి భాగం గంట 19 నిమిషాలు ఉండగా.. రెండో గంట 24 నిమిషాలు ఉందట. అంటే మొదటి భాగంతో పోలిస్తే రెండో భాగమే కాస్త ఎక్కువ సేపు నిడివి ఉందని అర్థమైంది. ఇక ఈ చిత్రం నుంచి ఇప్పటికే విడుదలైన ప్రచార చిత్రాలు, పాటలు మంచిగా ఆకట్టుకున్నాయి. ముఖ్యంగా హేషమ్ అబ్దుల్ వాహబ్ అందించిన సంగీతం ప్రత్యేక ఆకర్షణగా నిలిచింది. విజయ్-సమంత కెమిస్ట్రీ కూడా బాగుందంటూ సినీ ప్రియులు తమ అభిప్రాయాల్న వ్యక్తం చేస్తున్నారు.