Vetrimaaran Movies List : ఈ ఏడాది విడుదలైన 'విడుతలై: పార్ట్ 1'తో అటు కోలీవుడ్తో పాటు ఇటు టాలీవుడ్లో మంచి క్రేజ్ సంపాదించుకున్నారు తమిళ దర్శకుడు వెట్రిమారన్. ఈ సినిమాకు తెలుగునాట మంచి హిట్ టాక్ రాగా.. ప్రస్తుతం ఆయన దానికి కొనసాగింపు సినిమాను చిత్రీకరించే పనుల్లో బిజీ బిజీగా ఉన్నారు. అయితే సూర్య హీరోగా 'వాడి వాసల్' అనే సినిమాను 2021లో ప్రకటించారు. కానీ.. కొవిడ్‌ కారణంగా ఆ మూవీ చిత్రీకరణ గతేడాది ప్రారంభమైంది. ఇక ఆ తర్వాత, షూటింగ్ ఎంత వరకు పూర్తయింది? ఎప్పుడు రిలీజ్‌ అవుతుంది? తదితర వివరాలేవీ మూవీటీమ్ పంచుకోలేదు. ఈ క్రమంలో చెన్నైలో సోమవారం నిర్వహించిన ఓ ప్రెస్‌మీట్‌లో వెట్రిమారన్ విలేకరులతో ముచ్చటించారు. 'వాడి వాసల్' మూవీ అప్డేట్తో పాటు ధనుశ్ హీరోగా తెరకెక్కనున్న ఓ హిట్ సినిమా సీక్వెల్ గురించి ఆయన ఈ ప్రెస్ మీట్లో ప్రస్తావించారు.
Viduthalai Part 2 Shooting: 'విడుతలై: పార్ట్ 2' సినిమా చిత్రీకరణ పూర్తి కాగానే 'వాడి వాసల్' షూటింగ్ను పునః ప్రారంభించనున్నట్టు వెట్రిమారన్ పేర్కొన్నారు. జల్లికట్టు నేపథ్యంలో సాగే ఈ సినిమాలోని ఎద్దు సన్నివేశాల కోసం లండన్‌లో ఇప్పటికే సీజీ పనులు మొదలయ్యాయని ఆయన తెలిపారు. ఇక ధనుశ్ లీడ్ రోల్లో వెట్రిమారన్ గతంలో తెరకెక్కించిన 'వడ చెన్నై' తమిళ నాట హిట్‌గా నిలిచింది. ఈ క్రమంలో ప్రస్తుతం ఓకే చేసిన సినిమాలన్నీ పూర్తయ్యాక 'వడ చెన్నై'కి సీక్వెల్ను తెరకెక్కించే అవకాశాలున్నాయని ఆయన తెలిపారు. మరోవైపు, దళపతి విజయ్తో కలిసి ఓ సినిమా చేసేందుకు చర్చలు సాగుతున్నాయని ఆయన తెలిపారు. 'విడుదల' ప్రమోషన్స్లో భాగంగా హైదరాబాద్‌ వచ్చిన వెట్రి మారన్‌.. టాలీవుడ్ ప్రముఖ హీరో ఎన్టీఆర్‌తో కలిసి పనిచేయనున్న విషయంపై స్పందించారు.
Ntr Vetrimaaran Movie : "ఆయనతో ఓ సినిమా చేసే అవకాశం ఉంది. కానీ, అందుకు చాలా సమయం పడుతుంది. అది సోలో హీరో మూవీనా లేక మల్టీస్టారరా? అనే విషయం కాలమే సమాధానం చెబుతుంది. అలాగే, ఏ కాంబినేషన్‌లో ఎలాంటి మూవీ రావాలన్న దానిపై నాకు స్పష్టత ఉంది. స్టార్ వాల్యూ, కాంబినేషన్‌ వాల్యూ కాకుండా మేము ఎంచుకునే కంటెంట్‌ ఫలానా స్టార్ కావాలని డిమాండ్‌ చేస్తే అతనితో సినిమా చేస్తాను" అని వెట్రిమారన్ వివరించారు.