Pawan Kalyan OG Movie : సాహో దర్శకుడు సుజిత్, పవర్ స్టార్ పవన్ కల్యాణ్ కాంబోలో తెరకెక్కుతున్న చిత్రం OG (ఓరిజినల్ గ్యాంగ్స్టర్స్). గ్యాంగ్ స్టార్స్ నేపథ్యంలో వస్తున్న ఈ సినిమాను ఫుల్ యాక్షన్ ఎంటర్టైనర్గా రూపొందిస్తున్నారు డైరెక్టర్ సుజిత్. కాగా, సినిమా అవుట్ పుట్ మెరుగ్గా ఉండేందుకు అనేక జాగ్రత్తలు తీసుకుంటున్నారు. ఇందుకోసం ఈ సినిమా కోసం ప్రముఖ నటీనటులను కేర్ఫుల్గా సెలెక్ట్ చేసుకున్నారు. ఇందులోని ప్రధాన పాత్రల్లో నటించేందుకు కోలీవుడ్ నటులు అర్జున్ దాస్, శ్రియా రెడ్డిలతో పాటు బాలీవుడ్ నటుడు ఇమ్రాన్ హష్మీలను ఎంచుకున్నారు.
Arjun Das Twitter : ఇదిలా ఉంటే ఈ సినిమాలో నటిస్తున్న అర్జున్ దాస్ తాజాగా ఈ మూవీలోని కొన్ని సన్నివేశాలను చూశాడట. దీనికి సంబంధించిన వివరాలను ట్విట్టర్లో షేర్ చేశాడు. ఆ సీన్స్ చూశాక తన దిమ్మ తిరిగిపోయిందని చెప్పుకొచ్చాడు. 'పవన్ కల్యాణ్ నటిస్తున్న OGలోని కొన్ని సీన్స్ను డైరెక్టర్ సుజిత్ నాకు చూపించారు. అవి నేను చూశాను. చాలా అద్భుతంగా ఉన్నాయి' అంటూ అర్జున్ దాస్ ట్వీట్ చేశాడు. దీంతో ఇప్పటికే ఈ మూవీపై ఉన్న అంచనాలు మరింతగా పెంచేశాడు ఈ యువ నటుడు.
"సుజిత్ సర్ నాకు OGలోని కొన్ని విజువల్స్ చూపించారు. అవి చూసాక నా మైండ్ బ్లాక్ అయ్యింది. పవన్ కల్యాణ్ గారి స్క్రీన్ ప్రెజెన్స్, స్వాగ్, డైలాగ్స్ మాత్రం అదిరిపోయాయి. ఇక డీఓపీ రవి కే చంద్రన్ గారి విజువల్స్ సూపర్. ఫ్యాన్స్ రెడీగా ఉండండి. అందరికి నేను చెప్పేది ఏంటంటే.. పవన్ కల్యాణ్ అభిమానులారా OGకోసం సిద్ధంగా ఉండండి. ఫైర్ స్టార్మ్ నిజంగా వచ్చేస్తోంది."
-అర్జున్ దాస్, నటుడు
OG Arjun Das : ఇక అర్జున్ చేసిన ఈ పవర్ఫుల్ ట్వీట్ ప్రస్తుతం నెట్టింట వైరల్గా మారింది. ఇటీవలే ఈ సినిమాపై శ్రియా రెడ్డి సైతం ఆసక్తికర కామెంట్స్ చేసింది. ఇలా OGలో నటించే వారే స్వయంగా ఇలా కామెంట్స్ చేస్తుండటంతో ఈ సినిమాపై అంచనాలు మరింతగా పెరిగిపోతున్నాయి. యాక్షన్ ఫీస్ట్ చిత్రంగా రూపొందుతున్న ఈ భారీ బడ్జెట్ మూవీ కోసం పవన్ ఫ్యాన్స్తో పాటు అందరూ ఎంతో ఆసక్తిగా ఎదురుచూస్తున్నారు.
OG Movie Pawan Kalyan : ఈ సినిమాలో పవన్కు జంటగా నటి ప్రియాంక అరుళ్ మోహన్ హీరోయిన్గా నటిస్తోంది. OGలోపవన్ సరికొత్త లుక్లో కనిపించనున్నారు. ఇందులో తమిళ యువ నటుడు అర్జున్ దాస్ కీలకపాత్రలో నటిస్తున్నాడు. ఈ సినిమాను ఆర్ఆర్ఆర్ ప్రొడ్యూసర్ డీవీవీ దానయ్య డీవీనీ ఎంటర్టైన్మెంట్స్ బ్యానర్పై నిర్మిస్తున్నారు. ఇప్పటికే కొంత భాగం చిత్రీకరణను పూర్తి చేసుకున్న ఈ సినిమా ఎడిటింగ్ పనులను కూడా ప్రారింభించినట్లు తెలుస్తోంది. మరోపక్క మిగతా షూటింగ్ను కూడా వీలైనంత త్వరగా పుర్తి చేసి ఈ ఏడాది చివరిలో ప్రేక్షకుల ముందుకు తెచ్చేందుకు ప్రయత్నిస్తున్నారు మేకర్స్. ప్రస్తుతం వారాహి యాత్రలో బిజీగా ఉన్న పవన్.. అది ముగించుకొని OGసెట్స్లోకి తిరిగి వెళ్లే అవకాశం ఉందని సినీ ఇండస్ట్రీలో టాక్. దీంతో పాటు హరి హర వీరమల్లు, ఉస్తాద్‌ భగత్ సింగ్ ప్రాజెక్ట్స్లు కూడా పవన్ చేతిలో ఉన్నాయి.
