Mohan Juneja death: ప్రముఖ కన్నడ నటుడు, కమెడియన్ మోహన్ జునేజా(54) కన్నుమూశారు. కేజీఎఫ్తో తెలుగు ప్రేక్షకులకు సుపరిచితమైన ఈ యాక్టర్.. దీర్ఘకాల కాలేయ వ్యాధితో పోరాడుతూ శనివారం ఉదయం ప్రాణాలు కోల్పోయారు. బెంగళూరులోని ప్రైవేటు ఆస్పత్రిలో ఆయన ఈ వ్యాధికి చికిత్స తీసుకుంటున్నారు. అయితే, ట్రీట్మెంట్కు ఆయన స్పందించలేదని సంబంధిత వర్గాలు తెలిపాయి. ఈ క్రమంలోనే ఆయన వైద్య పరిస్థితి విషమించి ప్రాణాలు కోల్పోయినట్లు స్పష్టం చేశాయి.
Mohan Juneja in KGF movie: జునేజా అంత్యక్రియలు శనివారం సాయంత్రం బెంగళూరులోని తమ్మెనహళ్లిలో నిర్వహించనున్నారు. ఆయన మృతిపై పలువురు సినీ ప్రముఖులు తీవ్ర దిగ్భ్రాంతి వ్యక్తం చేశారు. ఆయన ఆత్మకు శాంతి చేకూరాలని ప్రార్థిస్తున్నట్లు తెలిపారు. జునేజా కుటుంబ సభ్యులకు ప్రగాఢ సానుభూతి ప్రకటించారు.