యూనివర్సల్ స్టార్ కమల్హాసన్ అభిమానులకు శుభవార్త. పలు కారణాల వల్ల తాత్కాలికంగా నిలిచిపోయిన ఇండియన్ 2 మూవీ షూటింగ్ మళ్లీ ప్రారంభించినట్లు తాజాగా దర్శకుడు శంకర్ తెలిపారు. సోషల్మీడియాలో ఈ విషయాన్ని ట్విట్ చేశారు.
శంకర్ దర్శకత్వంలో వచ్చిన భారతీయుడు సినిమాకు ఈ మూవీ సీక్వెల్‌గా తెరకెక్కుతోంది. ఇప్పటికే ఈ సినిమా చిత్రీకరణ కొంత భాగం పూర్తైంది. అయితే కరోనా పరిస్థితులు, షూటింగ్‌లో ప్రమాదం, దర్శక నిర్మాతల మధ్య విభేదాలతో కొంతకాలం క్రితం షూటింగ్ మధ్యలోనే ఆగిపోయింది. విక్రమ్ సినిమా సూపర్ డూపర్ హిట్ కావడం వల్ల ఇండియన్ 2 సినిమా షూటింగ్‌ను త్వరలోనే ప్రారంభిస్తామని ఇటీవల కమల్హాసన్ ప్రకటించారు. ఆ తర్వాత హీరోయిన్ కాజల్ కూడా ఈ మాట చెప్పింది. వీరిద్దరు చెప్పినట్లుగానే తాజాగా ఈ మూవీ షూటింగ్ మళ్లీ ప్రారంభమైంది.