గతేడాది విడుదలైన 'విక్రమ్' సినిమాతో ప్రేక్షకులను అలరించారు లోకనాయకుడు కమల్ హాసన్. ఇక కమల్హాసన్ గురించి అయితే ప్రత్యేకంగా చెప్పనక్కర్లేదు. ఆయన యాక్షన్తో ఇరగదీసి అందరి మైండ్ బ్లాంక్ చేశారు. ఈ సినిమా బాక్సాఫీస్ వద్ద కలెక్షన్ల వర్షం కురిపించడమే కాకుండా ప్రశంసలు కూడా అందుకుంది. అయితే 'విక్రమ్' సినిమా సక్సెస్ను ఆస్వాదిస్తున్న లోకనాయకుడు కమల్ హాసన్ ..ఈ సినిమా తర్వాత మరింత జోరు పెంచారు.
ప్రస్తుతం ఆయన దృష్టంతా తన డ్రీమ్ ప్రాజెక్ట్ 'భారతీయుడు 2' పైనే ఉంది. ప్రముఖ డైరెక్టర్ శంకర్ దర్శకత్వంలో తెరకెక్కుతున్న ఈ సినిమా షూటింగ్ శరవేగంగా జరుగుతోంది. అయితే గత కొంత కాలంగా కొన్ని అనివార్య కారణాల వల్ల ఇప్పటికే పలు మార్లు షూటింగ్ వాయిదా పడింది. అయినప్పటికీ డైరెక్టర్ శంకర్ మాత్రం ఈ సినిమాను ఎలాంటి అడ్డంకులు లేకుండా వీలైనంత త్వరగా షూటింగ్ పూర్తి చేసి ప్రేక్షకుల ముందుకు తీసుకురావాలని ప్లాన్ చేస్తున్నారట.
మూవీ టీమ్తో కమల్ హాసన్ గత కొన్ని రోజులుగా ఈ సినిమా షూటింగ్ చెన్నైలో జరుగుతోంది. ఇందులో భాగంగా.. సినిమాలోని కొన్ని కీలకమైన యాక్షన్ సీన్స్ను అక్కడే తెరకెక్కిస్తున్నారట. ఇందుకోసం అంతర్జాతీయ స్థాయి నుంచి యాక్షన్ కొరియోగ్రాఫర్లును సైతం తెప్పించారట డైరెక్టర్ శంకర్. తాజాగా కమల్ హాసన్ వారితో షూట్ సమయంలో మచ్చటిస్తూ కనిపించారు. ప్రస్తుతం దీనికి సంబంధించిన ఫొటో ఒకటి ప్రస్తుతం సోషల్‌ మీడియాలో వైరల్ అవుతోంది. మరోవైపు ఈ లాంగ్ షెడ్యూల్లో పాల్గొనేందుకు అందాల తార కాజల్ అగర్వాల్ కూడా ఇటీవలే సెట్స్లోకి అడుగుపెట్టింది.
రిలీజ్ డేట్ అప్పుడే..
మరోవైపు 'ఆర్సీ 15' షూటింగ్తో పాటు 'భారతీయుడు 2' సినిమాలతో టైట్ షెడ్యూల్ గడుపుతున్నారు దర్శకుడు శంకర్. అయితే ఆయన ఈ రెండు సినిమాలను వీలైనంత త్వరగా ప్రేక్షకుల ముందుకు తీసుకుని రావడానికి సన్నాహాలు చేస్తున్నారట. ఈ క్రమంలో 'భారతీయుడు2' సినిమాను ఈ ఏడాది దీపావళి కల్లా థియేటర్లలో రిలీజ్ చేసేందుకు సిద్ధం చేయనున్నట్లు ఇండస్ట్రీలో టాక్ వినిపిస్తోంది.
భారీ బడ్జెట్తో అప్పటి సూపర్ హిట్ సినిమా 'భారతీయుడు'కి సీక్వెల్గా తెరకెక్కుతున్న 'భారతీయుడు 2 ' సినిమాలో లోకనాయకుడు కమల్ హాసన్తో పాటు కాజల్, రకుల్ ప్రీత్ సింగ్ నటిస్తున్నారు. అంతే కాకుండా సముద్రఖని, ప్రియ భవానీ శంకర్, బాబీ సింహా, వెన్నెల కిషోర్‌ లాంటి స్టార్స్ కీలక పాత్రల్లో నటిస్తున్నారు. ఇక ఈ సినిమాకు అనిరుద్ రవిచందర్ బాణీలు కట్టారు.
