ఎన్టీఆర్- ప్రశాంత్ నీల్ సినిమాలో కమల్​హాసన్​!

ప్రశాంత్ నీల్- ఎన్టీఆర్​ కాంబినేషన్​లో వస్తున్న సినిమాకు సంబంధించి క్రేజీ రూమర్​ ఒకటి సోషల్​మీడియాలో చక్కర్లు కొడుతోంది. ఈ సినిమాలో ఓ కీలక పాత్ర కోసం కమల్​ హాసన్​ ఒప్పించేందుకు ప్రశాంత్​ సిద్దమవుతున్నట్లు ప్రచారం జరుగుతోంది.

కేజీఎఫ్​ సినిమాతో పాన్ ఇండియా డైరెక్టర్​గా మారిన ప్రశాంత్ నీల్- ఎన్టీఆర్​ కాంబినేషన్​లో వస్తున్న సినిమాపై ఆసక్తికరమైన ప్రచారం ఒకటి జరుగుతోంది. భారీ యాక్షన్ డ్రామాగా తెరకెక్కించనున్న ఈ సినిమాలో ఒక కీలక పాత్ర కోసం.. కమల్​ హాసన్​ను సంప్రదించాలని భావిస్తున్నారట ప్రశాంత్​. ఈ పాత్ర సినిమాకే మెయిన్ హైలైట్ గా నిలుస్తుందట. అందుకే ఈ సినిమా కోసం కమల్ హాసన్​ను ఒప్పించాలని ప్రశాంత్ నీల్ భావిస్తున్నట్లు సమాచారం. ఇది నిజమా? కాదా? అనేది భవిష్యత్​లో తెలియనుంది.

ఇదిలా ఉంటే.. బాలీవుడ్ బ్యూటీ దీపికా పదుకొణెను ఈ సినిమాలో హీరోయిన్​గా తీసుకునే ఆలోచనలో ఉన్నారు ప్రశాంత్​. అలాగే ఈ సినిమా షూటింగ్​ను అక్టోబర్‌ నుంచి మొదలు పెట్టే అవకాశం ఉందనే ప్రచారం జరుగుతోంది. ప్రశాంత్ నీల్ – ఎన్టీఆర్ కాంబినషన్​లో మూవీ అనౌన్స్​ అయినప్పటి నుంచి.. ఈ సినిమాపై భారీ అంచనాలు ఉన్నాయి. ఎన్టీఆర్ మాస్ ఇమేజ్​కు, ప్రశాంత్ నీల్ యాక్షన్ విజువల్స్ తోడు అయితే.. మరో వండర్​ఫుల్​ సినిమా అయ్యే అవకాశం ఉంది.

ఇదీ చదవండి:'ఫస్ట్‌ డే ఫస్ట్‌ షో' మూవీ లోగో.. నిర్మాతగా మారిన తాప్సి