Kamal Haasan Birthday : విలక్షణ నటుడు, తమిళ సూపర్స్టార్, లోక నాయకుడు ఇలా ఏ పేరుతో పిలిచినా అందరూ టక్కున గుర్తుపట్టే ఏకైక నటుడు కమల్ హాసన్. కేవలం కోలీవుడ్లోనే కాకుండా ప్రపంచవ్యాప్తంగా ఈయనకు భారీ సంఖ్యలో ఫ్యాన్స్ ఉన్నారు. అంతలా వెండితెరపై తన నటనతో విశ్వరూపాన్ని చూపించారు ఈ అగ్ర కథానాయకుడు. నవంబర్ 7న ఆయన పుట్టినరోజు. ఈ సందర్భంగా అభిమానులు, సినీ ప్రముఖులు ఆయనకు పెద్ద ఎత్తున బర్త్డే విషెస్ చెబుతున్నారు. అయితే వీటిల్లో కమల్ కుమార్తె, నటి శ్రుతి హాసన్ తన తండ్రి కోసం రెడీ చేసిన ఓ గిఫ్ట్ మాత్రం ప్రస్తుతం సామాజిక మాధ్యమాల్లో తెగ వైరలవుతోంది. ఇంతకీ శ్రుతి తన డాడీకి ఇచ్చిన గిఫ్ట్ ఏంటంటే..
Shruti Haasan Special Video : శ్రుతి హాసన్ ఓ ప్రత్యేక వీడియోతో తన తండ్రికి బర్త్డే విషెస్ చెప్పారు. దీనికి క్యాప్షన్గా.. 'మీలాంటి గొప్ప వ్యక్తులు ప్రపంచంలో చాలా అరుదుగా ఉంటారు. నటుడిగా, గాయకుడిగా, డ్యాన్సర్గా, అన్నింటికి మించి ఓ గొప్ప స్నేహితుడిగా.. ఇలా ప్రతి విషయంలోనూ మీరు ఉత్తమంగా ఉంటారు. మీలాంటి తండ్రి ఉండాలని ప్రతి కూతురు కోరుకుంటుంది. మీరు నా లైఫ్లో ఎంతో స్ఫూర్తిని నింపారు. ఇలాంటి బర్త్డేలు మీరు మరెన్నో జరుపుకోవాలని కోరుకుంటున్నాను. నేను ఎప్పటికీ మిమ్మల్ని ప్రేమిస్తూనే చేస్తూనే ఉంటాను. మొత్తంగా మీరు అన్నింటా ఓ రాక్స్టార్ డాడ్' అంటూ కమల్ హాసన్‌కి చెందిన చాలా అరుదైన ఫొటోస్ను సేకరించి మరీ ఓ వీడియోను రూపొందించారు. దాన్ని తన ఇన్స్టాగ్రామ్లో పోస్ట్ చేశారు. ప్రస్తుతం ఈ వీడియో తెగ ట్రెండ్ అవుతోంది.
ప్రముఖుల బర్త్డే విషెస్..
'మీతో కలిసి పనిచేసే అవకాశం మరోసారి రావడం చాలా అద్భుతం. మీరు మమ్మల్ని ఎప్పటికీ ఇలానే అలరిస్తూనే ఉంటారని.. ఇంకెందరిలోనూ స్ఫూర్తిని కలిగిస్తూనే ఉంటారని ఆశిస్తూ పుట్టినరోజు శుభాకాంక్షలు' అని దర్శకుడు శంకర్‌ ట్వీట్ చేశారు.