Kajal Aggarwal Satyabhama Movie :'భగవంత్ కేసరి' సక్సెస్ను ఆస్వాదిస్తున్న టాలీవుడ్ స్టార్ హీరోయిన్ కాజల్ అగర్వాల్.. ఇప్పుడు పోలీస్గా మారిపోయింది. 'సత్యభామ' అనే హీరోయిన్ ఓరియెంటడ్ సినిమాలో ఆమె కీలక పాత్ర పోషిస్తోంది. ఈ క్రమంలో తాజాగా మూవీ మేకర్స్ ఈ సినిమాకు సంబంధించిన టీజర్ను విడుదల చేశారు. ఫుల్ ఆన్ యాక్షన్ మోడ్లో ఉన్న ఆ వీడియో ప్రేక్షకులను తెగ ఆక్టటుకుంటోంది. ఓ అమ్మాయి మర్డర్ కేసును ఛేదించే క్రమంలో సత్యభామ(కాజల్) ఎదుర్కొన్న ఇబ్బందులు ఏమిటి? అనే ఆసక్తికర కోణంలో ఈ సినిమా సిద్ధమైనట్లు టీజర్ చూస్తే తెలుస్తోంది.
యక్షన్ మోడ్లో కాజల్.. విలన్లను చితక్కొడుతూ..
హత్యకు గురైన ఓ అమ్మాయి ప్రాణాలు కాపాడాలని సత్యభామ ట్రై చేస్తుంది. కానీ, ఆ అమ్మాయి కన్నుమూస్తుంది. దీంతో ఆ కేసును సత్యభామ నుంచి మరొకరికి బదిలీ చేస్తారు. 'ఈ కేసు నీ చేతుల్లో లేదు' అని పోలీస్ ఆఫీసర్ ప్రకాశ్ రాజ్ చెబుతారు. అయితే తన చేతుల్లో ఓ యువతి ప్రాణాలు కోల్పోయిందని, అప్పటి నుంచి ఆ గిల్ట్ ఫీలింగ్‌తో సత్యభామ బాధ పడుతుంటుంది. ఈ క్రమంలో ఆ యువతి ప్రాణాలు తీసిన హంతకులు కోసం వేట మొదలు పెడుతుంది. తన దారికి అడ్డు వచ్చిన విలన్లను చితక్కొడుతుంది. అలా ఈ టీజర్ ఆద్యంతం చాలా పవర్ఫుల్గా సాగింది.
Satyabhama Movie Cast : ఇక ఈ సినిమా విషయానికి వస్తే.. క్రైమ్ థ్రిల్లర్గా రానున్న ఈ చిత్రాన్ని సుమన్‌ చిక్కాల రూపొందిస్తున్నారు. అవురమ్ ఆర్ట్స్ పతాకంపై బాబీ తిక్క, శ్రీనివాసరావు తక్కలపల్లి ఈ చిత్రానికి నిర్మాణ బాధ్యతలు చేపడుతున్నారు. శ్రీచరణ్ పాకాల ఈ సినిమాకు సంగీతం అందిస్తున్నారు. వచ్చే ఏడాది వేసవికి ఈ మూవీని ప్రేక్షకుల ముందుకు తీసుకురానున్నట్లు మేకర్స్ తెలిపారు.