గత కొంత కాలంగా కోలీవుడ్ స్టార్ డైరెక్టర్ వెట్రిమారన్- జూనియర్ ఎన్టీఆర్ కాంబోలో ఓ సినిమా పట్టాలెక్కనుందంటూ సోషల్ మీడియాలో జోరుగా ప్రచారం సాగింది. వెట్రిమారన్ డైరెక్షన్లో ఎన్టీఆర్ నటిస్తున్నారా? అసలు ఆయన కథకు ఎన్టీఆర్ ఓకే చెప్పేశారా?. మల్టీస్టారర్‌గా ఈ కాంబినేషన్‌ ప్రేక్షకులను అలరించనుందా? అంటూ అభిమానుల్లో సందేహాలు మొదలయ్యాయి. అయితే, ఈ వార్తలన్నింటికీ సమాధానం చెప్తూ.. వెట్రిమారన్ ఇటీవలే స్పందించారు. ఆయన అప్కమింగ్ మూవీకి సంబంధించిన ప్రెస్ మీట్లో ఆయన ఈ విషయం గురించి మాట్లాడారు. అంతేకాదు, గతంలో ఆయన తెలుగులో ఏయే హీరోలను కలిశారన్న విషయాన్ని కూడా చెప్పారు.
వెట్రిమారన్ దర్శకత్వంలో విజయ్‌ సేతుపతి, సూరి కీలక పాత్రల్లో నటించిన 'విడుదలై:పార్ట్‌-1'. ఇటీవల తమిళ ప్రేక్షకుల అలరింది. ఈ క్రమంలో ఇప్పుడు తెలుగులో 'విడుదలై : పార్ట్‌-1' అనే టైటిల్తో ఏప్రిల్‌ 15న ప్రేక్షకుల ముందుకు రానుంది. ఇందులో భాగంగా జరిగిన ప్రెస్ మీట్లో ఆయన మాట్లాడారు.
NTRతో వెట్రిమారన్ మూవీ.. క్లారిటీ ఇచ్చిన డైరెక్టర్..!
కొద్ది రోజులుగా కోలీవుడ్ స్టార్ దర్శకుడు వెట్రిమారన్- జూనియర్ ఎన్టీఆర్ కాంబోలో ఓ సినిమా పట్టాలెక్కనుందని నెట్టింట్లో చర్చ జరిగింది. వెట్రిమారన్ డైరెక్షన్లో యంగ్ టైగర్ నటిస్తున్నారా? అసలు వెట్రిమారన్ కథకు ఎన్టీఆర్ గ్రీన్ సిగ్నల్ ఇచ్చేశారా?. అంటూ రకరకాల సందేహాలు మొదలయ్యాయి. ఈ విషయంపై స్పందించిన డైరెక్టర్ ఫుల్ క్లారిటీ ఇచ్చారు. ఏం చెప్పారంటే..
" 'ఆడుకాలం' సినిమా తర్వాత నేనూ అల్లు అర్జున్‌ ఒకటి రెండుసార్లు కలిశాం. ఆ టైమ్లో నేను తమిళంలో సినిమా చేయాలనుకుంటున్నా. మీకు ఆసక్తి ఉంటే కథ చెప్పండి' అని బన్ని అడిగారు. అప్పుడు నేను రాసుకున్న 'వడ చెన్నై'లోని ఓ పవర్‌ఫుల్‌ పాత్ర గురించి ఆయనకు చెప్పా. కానీ, ఎందుకో కుదరలేదు. తొలుత అనుకున్న వెర్షన్‌లో ఆ పాత్ర ఉంది. ఆ తర్వాత మార్పులు చేశాం. అదే సమయంలో మహేశ్‌ బాబును కూడా కలిసి ఓ కథ చెప్పా. ఎందుకో ఆ సినిమా కూడా కార్యరూపం దాల్చలేదు. ఇక 'అసురన్‌' మూవీ తర్వాత, లాక్‌డౌన్‌ ముగిశాక ఎన్టీఆర్ను కలిశా. మేమిద్దరం అనేక విషయాలను మాట్లాడుకున్నాం. అయితే, ఆయనతో ఓ సినిమా చేసే అవకాశం ఉంది. కానీ, అందుకు చాలా సమయం పడుతుంది. అది సోలో హీరో మూవీనా, లేక మల్టీస్టారరా? అన్న విషయం కాలమే నిర్ణయిస్తుంది. అంతే కాకుండా ఏ కాంబినేషన్‌లో ఎలాంటి మూవీ రావాలన్న విషయంపై నాకు స్పష్టత ఉంది. స్టార్ వాల్యూ, కాంబినేషన్‌ వాల్యూ కాకుండా మేము ఎంచుకునే కంటెంట్‌ ఫలానా స్టార్ కావాలని డిమాండ్‌ చేస్తే అతడితో సినిమా చేస్తా" అంటూ వెట్రిమారన్ చెప్పుకొచ్చారు.
'విడుదలై : పార్ట్‌1'కు కంట్యునుయేషన్గా 'పార్ట్‌2' తెరకెక్కించే పనిలో ఉన్నారు. దీని తర్వాత సూర్యతో 'వాడివాసల్' అనే సినిమాకు దర్శకత్వం వహించనున్నారు. మరోవైపు ఎన్టీఆర్ తన 30వ సినిమా షూటింగ్లో బిజీగా ఉన్నారు. ఈ సినిమాకు కొరటాల శివ దర్శకత్వం వహిస్తున్నారు. దీని తర్వాత ప్రశాంత్‌ నీల్‌ దర్శకత్వంలో ఎన్టీఆర్ ఓ సినిమా చేయాల్సి ఉంది. ఇవి పూర్తయిన తర్వాతే ఎన్టీఆర్, వెట్రిమారన్ కాంబో పట్టాలెక్కే అవకాశం ఉందని సినీ వర్గాల టాక్.