మాజీ భార్యపై పరువు నష్టం కేసు గెలిచిన జానీ డెప్

Johnny Depp wins defamation case: 'పైరేట్స్ ఆఫ్ ది కరీబియన్' ఫేమ్, హాలీవుడ్ స్టార్ హీరో జానీడెప్.. మాజీ భార్య అంబర్​హెర్డ్​పై వేసిన పరువు నష్టం కేసులో గెలిచాడు. హెర్డ్​ తనపై కల్పిత ఆరోపణలు చేసిందన్న డెప్​ వాదనను జ్యూరీ సమర్థించింది. అతడికి రూ.116 కోట్ల పరిహారం చెల్లించాలని తీర్పుచెప్పింది.

Johnny Depp wins defamation case: మాజీ భార్య, నటి అంబర్​ హెర్డ్​పై హై ప్రొఫైల్​ పరువు నష్టం కేసులో గెలిచాడు హాలీవుడ్ అగ్రహీరో జానీ డెప్. ఈ మేరకు వర్జీనియా ఫెయిర్​ఫాక్స్​లోని జ్యూరీ బుధవారం అనుకూలంగా తీర్పు ఇచ్చింది. వేధింపులకు గురైనట్లు హెర్డ్​ కల్పిత ఆరోపణలు చేసిందన్న డెప్​ వాదనను సమర్థించింది.

తనను తాను గృహహింస బాధితురాలిగా చిత్రీకరించుకుంటూ 2018లో 'ది వాషింగ్టన్ పోస్ట్​' కోసం రాసిన వ్యాసం ఆధారంగా హెర్డ్​పై రూ.389 కోట్ల (50 మి.డాలర్లు) పరువు నష్టం దావా వేశాడు డెప్. దీనిని సవాలు చేస్తూ తమ 15 నెలల వివాహబంధంలో తాను గృహహింసను ఎదుర్కొన్నట్లు హెర్డ్​ రూ.776కోట్ల (100మి.డాలర్లు) పరువు నష్టం దావా వేసింది.

డెప్​కు రూ.116 కోట్ల (15మి.డాలర్లు) పరిహారం చెల్లించాలని జ్యూరీ తీర్పుచెప్పింది. అయితే హెర్డ్​ కూడా పాక్షికంగా తన పరువునష్టం కేసు గెలిచింది. హెర్డ్​ చేసిన ఆరోపణలు కుట్రపూరితమని డెప్​ తరఫు మాజీ న్యాయవాది వ్యాఖ్యానించారు. పరిహారం కింద ఆమెకు రూ.15.5కోట్లు (2 మి.డాలర్లు) చెల్లించాలని జ్యూరీ ఆదేశించింది.

ఇవీ చూడండి:హీరో భార్యతో ఎలాన్ మస్క్ రాసలీలలు.. విడాకుల కేసులో ట్విస్ట్!