Jawan Worldwide Collection Day 1 : ఎక్కడ చూసినా ప్రస్తుతం 'జవాన్' మేనియా నడుస్తోంది. భారీ అంచనాల నడుమ గురువారం విడుదలైన ఈ సినిమా బ్లాక్బస్టర్ టాక్ అందుకుంది. దీంతో ప్రేక్షకులు థియేటర్ల వద్ద క్యూ కడుతున్నారు. 'జవాన్'.. మొదటి రోజు దేశవ్యాప్తంగా.. రూ. 75 కోట్లు వసూల్ చేసింది. ఈ క్రమంలో బాలీవుడ్లో తొలిరోజు అత్యధిక కలెక్షన్లు సాధించిన సినిమాగా జవాన్ రికార్డులకెక్కింది.
ఇక ప్రపంచవ్యాప్తంగా ఫస్ట్ డే 'జవాన్'.. సుమారు రూ. 130 కోట్లు వసూల్ చేసిందని ట్రేడ్ వర్గాలు అంచనా వేస్తున్నాయి. హిందీలో ఓపెనింగ్ డే కలెక్షన్లలో టాప్లో నిలిచిన జవాన్.. ఓవరాల్గా ఐదో స్థానంలో ఉంది. ఈ జాబితాలో దర్శకధీరుడు తెరకెక్కించిన 'ఆర్ఆర్ఆర్' సినిమా.. తొలిరోజు ప్రపంచవ్యాప్తంగా రూ. 223.5 కోట్లతో ఆగ్రస్థానంలో ఉంది. రెండో స్థానంలో 'బాహుబలి ది కంక్లూజన్' రూ. 214.5 కోట్లతో, 'కేజీఎఫ్-2' రూ.164.5 కోట్లతో మూడో ప్లేస్లో ఉంది.
Adipurush Day 1 Collection Worldwide :అయితే ఈ లిస్ట్లో.. రెబల్ స్టార్ ప్రభాస్-ఓం రౌత్ కాంబినేషన్లో వచ్చిన 'ఆదిపురుష్' రూ. 136.5 కోట్లతో నాలుగో స్థానంలో ఉంది. ఈ సినిమా ఫస్ట్ షో నుంచే మిక్స్డ్ టాక్ తెచ్చుకున్నప్పటికీ.. ఆ రేంజ్ కలెక్షన్లు రావడంలో మాత్రం హీరో ప్రభాస్ స్టార్డమ్ ముఖ్య కారణమని సినీ విశ్లేషకులు అభిప్రాయపడుతున్నారు. ఇక జవాన్ మొదటి నుంచే హైప్ క్రియేట్ చేస్తూ.. హిట్ టాక్ తెచ్చుకుంది. అయినప్పటికీ.. 'ఆదిపురుష్' డే 1 కలెక్షన్లను 'జవాన్' అధిగమించలేకపోయింది.