Jawan Trailer Announcement : బాలీవుడ్ బాద్షా షారుక్ ఖాన్ 'జవాన్' సినిమాపై ఎన్నో అంచనాలు నెలకొన్నాయి. యూఎస్ఏలో ఈ సినిమా ప్రీ బుకింగ్స్ ఓ రేంజ్లో సాగుతున్నాయని ఇప్పటికే పలు కథనాలు వెలువడ్డాయి. ఇక రిలీజ్ డేట్ దగ్గపడుతుండడం వల్ల సినిమాపై మరింత హైప్ క్రియేట్ అవుతోంది. అయితే హీరో షారుక్ ఖాన్ తాజాగా ఈ సినిమా గురించి అదిపోయే అప్డేట్ ఇచ్చారు. అదేంటంటే
ద వెయిట్ ఈజ్ ఓవర్.. ఎప్పుడెప్పుడా అని ఎదురుచూస్తున్న షారుక్ ఫ్యాన్స్కు ఫుల్ కిక్ ఇచ్చే న్యూస్. ఈ సినిమా ట్రైలర్ను ఆగస్టు 31 న రాత్రి 9 గంటలకు, ప్రపంచంలోనే ఎత్తైన బిల్డింగ్ బుర్జ్ ఖలీఫా(దుబాయ్)పై ప్రదర్శించేందుకు మూవీ మేకర్స్ ప్లాన్ చేశారు. ఈ విషయాన్ని స్వయంగా షారుక్ ఖాన్ ట్విట్టర్ వేదికగా తెలిపారు. " మీతో కలిసి జవాన్ సంబరాలు జరుపుకునేందుకు ఆగస్టు 31 రాత్రి 9 గంటలకు నేను బుర్జ్ ఖలీఫా వస్తున్నా. ప్రపంచంలో ప్రేమ అనేది అందమైన ఫీలింగ్.. ఆ ప్రేమలో మునిగిపోదాం ఏమంటారు" అని షారుక్ ట్వీట్ చేశారు.
ప్రఖ్యాతిగాంచిన దుబాయ్ బుర్జ్ ఖలీఫా (Burj Khalifa) బిల్డింగ్పై షారుక్ సినిమా ట్రైలర్ను ప్రదర్శించడం ఇది తొలిసారి కాదు. ఈ ఏడాది ఆరంభంలో రిలీజైన 'పఠాన్' సినిమా ట్రైలర్ (Pathan Trailer)ను ఇదివరకే అక్కడ ప్రదర్శించారు. అయితే అప్పుడు ట్రైలర్ విడుదలైన నాలుగు రోజుల తర్వాత ఈ వేడుక జరిపారు. కానీ ప్రస్తుత జవాన్ సినిమా ట్రైలర్ను డైరెక్ట్గా బుర్జ్ ఖలీఫాపై రిలీజ్ చేయనున్నారు. ఇక పఠాన్ సినిమా బాక్సాఫీస్ వద్ద మంచి విజయం సొంతం చేసుకొని.. వసూళ్ల సునామి సృష్టించిన విషయం తెలిసిందే.