Jawan Pre Release Event :బాలీవుడ్ బాద్షా షారుక్ ఖాన్, కోలీవుడ్ లేడీ సూపర్ స్టార్ నయనతార లీడ్ రోల్లో నటించిన లేటెస్ట్ మూవీ 'జవాన్'. బుధవారం ఈ సినిమా ప్రీ రిలీజ్ ఈవెంట్కు చెన్నై వేదికైంది. ఈ వేడుకకు అభిమానులు భారీగా తరలివచ్చారు. దీంతో ఈవెంట్ హాల్ ఫ్యాన్స్ కోలాహలంతో సందడిగా మారింది.
ఇక ఈ వేడుకకు హాజరైన హీరో షారుక్ ఖాన్కు.. తమిళ్ స్టార్ విజయ్ సేతుపతి హగ్ ఇచ్చి వెల్కమ్ చెప్పారు. అనంతరం మ్యూజిక్ డైరెక్టర్ అనిరుధ్ రవిచంద్రన్ (Anirudh Ravichander)ను షారుక్ ప్రేమగా హత్తుకున్నారు. సినిమా డైరెక్టర్ అట్లీ.. ఆయన భార్య ప్రియతో కలిసి ఈవెంట్కు వచ్చారు. సీనియర్ నటి ప్రియమణి ఇతర నటీనటులు ఈ వేడుకకు హాజరయ్యారు.
వేదికపై అనిరుధ్-షారుక్ డ్యాన్స్.. మ్యూజిక్ సంచలనం అనిరుధ్.. ఈ సినిమాకు సంగీతం అందించిన విషయం తెలిసిందే. ఏ ఆడియో ఫంక్షన్ అయినా.. అనిరుధ్ ఈవెంట్కు వచ్చారంటే వేదికపై సందడి చేస్తారు. తన లైవ్ పెర్ఫార్మెన్స్తో ఫ్యాన్స్లో జోష్ నింపి.. పూనకాలు తెప్పిస్తారు. అలాగే ఈ ఈవెంట్లో అనిరుధ్.. ఏకంగా హీరో షారుక్ను తనతో పాటు స్టేజ్పైకి తీసుకెళ్లారు. వీరిద్దరూ స్టేజ్పై కొద్దిసేపు డ్యాన్స్ చేశారు. అనిరుధ్, షారుక్కు స్టెప్పులు నేర్పించిన తీరు షో లో ఫ్యాన్స్కు ఫుల్ కిక్ ఇచ్చింది. వీరి డ్యాన్స్ ఈ వేడుకకు హైలైట్గా నిలిచింది.