Jawan OTT Release :బాలీవుడ్ స్టార్ హీరో షారుక్ ఖాన్, లేడీ సూపర్ స్టార్ నయనతార తొలిసారి జంటగా నటించిన సినిమా జవాన్. షారుక్ డ్యుయెల్ రోల్ పోషించిన ఈ సినిమాకు తమిళ స్టార్ డైరెక్టర్ అట్లీ దర్శకత్వం వహించగా.. రెడ్ చిల్లీస్ ఎంటర్టైన్‌మెంట్ బ్యానర్‌లో షారుక్ ఖాన్ భార్య గౌరీ ఖాన్ ఈ సినిమాను నిర్మించారు. ఈ మూవీతో అటు అట్లీ.. ఇటు నయనతార ఇద్దరూ బాలీవుడ్‍కు పరిచయం అయి తొలి మూవీతోనే బ్లాక్ బస్టర్ హిట్ అందుకున్నారు.
Jawan OTT Release Date Netflix : అయితే సెప్టెంబర్ 7న హిందీతోపాటు తెలుగు, తమిళం, కన్నడ, మలయాళ భాషల్లో ప్రపంచవ్యాప్తంగా విడుదలైన జవాన్ సినిమా.. ఓటీటీ విడుదల తేదీపై ఆసక్తికరమైన చర్చ నడుస్తోంది. జవాన్ చిత్రాన్ని ప్రముఖ ఓటీటీ దిగ్గజం నెట్‌ఫ్లిక్స్ సుమారు రూ. 250 కోట్లు వెచ్చించి మరీ సొంతం చేసుకుందని టాక్. అంతేకాకుండా జవాన్ మూవీని త్వరలో ఓటీటీలో స్ట్రీమింగ్ చేయనుందని తెలుస్తోంది.
Jawan OTT Platform Release Date : బాక్సాఫీస్ వద్ద రూ.1000 కోట్లకుపైగా వసూళ్లు రాబట్టి సంచలనాలు సృష్టించిన జవాన్ చిత్రం.. నవంబరు 2వ తేదీ నుంచి నెట్ఫ్లిక్స్లో స్ట్రీమింగ్ కానున్నట్లు సమాచారం. అంటే షారుక్ బర్త్డే అయిన నవంబరు 2న ఓటీటీ రిలీజ్ చేయునున్నారన్నమాట. అయితే థియేటర్లలో లేని మరికొన్ని సన్నివేశాలను యాడ్ చేసి మరి ఓటీటీలో విడుదల చేయాలనుకుంటున్నారట. అందుకే సక్సెస్ తర్వాత హాలీడే ఎంజాయ్ చేయకుండా అదనపు సీన్లపై డైరెక్టర్ అట్లీ వర్క్ చేశారట. సరైన రన్ టైమ్, ఎమోషనల్ సన్నివేశాలతో జవాన్ ఓటీటీ ప్రేక్షకులను సర్ప్రైజ్ చేస్తుందని ఓ ఇంటర్వ్యూలో అట్లీ చెప్పుకొచ్చారు.
Jawan OTT Platform Release Date : జవాన్ సినిమాలో నయనతార, షారుక్ ఖాన్‍తోపాటు బాలీవుడ్ హాట్ బ్యూటీ దీపికా పదుకొణె, మక్కల్ సెల్వన్ విజయ్ సేతుపతి, ప్రియమణి, సాన్య మల్హోత్రా, రిధి డోగ్రా, బిగ్ బాస్ సిరి హనుమంతు, యోగిబాబు, సంజయ్ దత్, సునీల్ గ్రోవర్ కీలక పాత్రలు పోషించారు. ఇక విజయ్ సేతుపతి విలన్‌గా చేయగా.. తండ్రి పాత్రలో ఉన్న షారుక్ ఖాన్‍కు భార్య పాత్రలో దీపికా నటించింది.
