Jawan Google Animation :బాలీవుడ్ బాద్షా షారుక్ఖాన్-కోలీవుడ్ డైరెక్టర్ అట్లీ కాంబోలో తెరకెక్కిన చిత్రం 'జవాన్'. గురువారం ప్రపంచవ్యాప్తంగా విడుదలైన ఈ సినిమా.. హిట్ టాక్ సొంతం చేసుకుంది. దీంతో చిత్ర బృందం ప్రస్తుతం జవాన్ సక్సెస్ను ఎంజాయ్ చేస్తోంది. అయితే ఇప్పుడు ఈ సంబరాల్లో గూగుల్ కూడా పాలుపంచుకుంటోంది.
ఈ సెలెబ్రేషన్స్లో భాగంగా జవాన్కోసం గూగుల్.. కొత్తగా ఓ యానిమేషన్ను రెడీ చేసింది. 'JAWAN' అని గూగుల్లో సెర్చ్ చేస్తే.. స్క్రీన్పై ఓ వాకీటాకీ సింబల్ కనిపిస్తుంది. దానిపై క్లిక్ చేస్తే.. రెడీ అంటూ సినిమాలో హీరో షారుక్ చెప్పిన డైలాగ్ ప్లే అవుతుంది. అంతేకాకుండా సినిమాలో బ్యాండెజ్లతో కనిపించే షారుక్ లుక్ను గుర్తుచేస్తూ.. బ్రౌజ్ పేజ్ అంతా బ్యాండెజ్లతో నిండిపోతుంది. గూగుల్ క్రియేట్ చేసిన ఈ యానిమేషన్ నెటిజన్లను బాగా ఆకట్టుకుంటోంది.
Mahesh Babu Tweet On Jawan: టాలీవుడ్ సూపర్ స్టార్ మహేశ్ బాబు.. తాజాగా జవాన్ సినిమాను ట్విట్టర్ వేదికగా ప్రశంసించారు. " జవాన్ బ్లాక్బస్టర్ సినిమా.. డైరెక్టర్ అట్లీ.. కింగ్ సైజ్ ఎంటర్టైన్మెంట్ ఇచ్చాడు. ఇది తన కెరీర్ బెస్ట్ ఫిల్మ్. ఇక షారుక్ స్క్రీన్ ప్రజెన్స్, ఆయన చరిష్మా ఎవరూ మ్యాచ్ చేయలేరు. జవాన్ సినిమాతో తన రికార్డులు తానే బద్దలుకొట్టుతున్నారు. తను ఓ లెజెండ్" అని ట్వీట్ చేశారు. సినిమా రిలీజ్కు ముందు కూడా మహేశ్.. జవాన్పై ట్వీట్ చేశారు. అప్పుడు ఆయన.. డైరెక్టర్ అట్లీ, హీరో షారుక్కు ఆల్ ది బెస్ట్ చెప్పారు. అయితే ఈ ట్వీట్కు షారుక్.. థాంక్యూ మై ఫ్రెండ్ అని రిప్లై ఇచ్చారు.